අන්තර්ජාතික හමුදා ක්‍රීඩා කවුන්සිල (Council International Military Sports) සැමරුම් මාර්ග ධාවනය - 2019 අද (පෙබරවාරි 18) කොළඹ ගාලු මුවදොර දී පැවැත් විය.

දකුණු නාවික විධානයට අනුයුක්ත නාවිකයින් සහ දික්වැල්ල පොලිස් විශේෂ කාර්ය බළකායට අනුයුක්ත නිලධාරින් එක්ව ඊයේ (පෙබරවාරි 16) මාතර, දික්වැල්ල ප්‍රදේශයේ සිදු කළ වැටලීමක දී ගංජා ග්‍රෑම් 120 ක් ලග තබාගෙන සිටි පුද්ගලයින් දෙදෙනෙකු (02) අත්අඩංගුවට ගෙන ඇත.

කැළණි ඟගේ දිය නෑමට ගිය සහෝදරයින් තිදෙනාගෙන් එක් අයෙක් දියේ ගිලී අතුරුදහන් වී ඇති අතර, එම අතුරුදන් පුද්ගලයාගේ මෘත දේහය සොයා ගැනීමට නාවික හමුදාව අද දින (පෙබරවාරි 17) කටයුතු කරන ලදී.

පකිස්ථානු නාවික හමුදාව විසින් දෙවසරකට වරක් පවත්වනු ලබන අමාන් (AMAN 2019) නාවික අභ්‍යාසයට සහභාගී වීම සඳහා ශ්‍රී ලංකා නාවික නෞකා සයුරළ නෞකාව පසුගිය පෙබරවාරි 02 වන දින කොළඹ වරායෙන් පකිස්ථානය බලා පිටත් විය.

අන්තර්ජාතික හමුදා ක්‍රීඩා කවුන්සිලයේ (Council International Military Sports) සංවත්සරය නිමිත්තෙන් එහි සාමාජික රටවල සහභාගිත්වයෙන් වාර්ෂිකව සංවිධානය කරනු ලබන අන්තර්ජාතික හමුදා ක්‍රීඩා කවුන්සිල සැමරුම් මාර්ග ධාවනය හෙට (පෙබරවාරි 18) දින 0600 පැයට කොළඹ ප්‍රදීපාගාරය අසලින් ඇරඹේ.

දකුණු නාවික විධානයට අනුයුක්ත වේග ප්‍රහාරක යාත්‍රාවක් මඟින් අද (පෙබරවාරි 16) දින බහුදින ධීවර යාත්‍රාවක සිටි අණතුරකට පත් රෝගියෙකු කඩිනමින් වෛද්‍ය ප්‍රථිකාර සඳහා හම්බන්තොට ධීවර වරාය වෙත රැගෙන ඒමට කටයුතු කරන ලදී.

ජාතික ඔරු පැදීමේ තරගාවලීය (National Canoe Sprint Championship – 2019) පෙබරවාරි මස 13 වන දින සිට 16 වන දින දක්වා දින 03 ක් දියවන්නා ඔයේදී පැවැත්විය. මෙම තරගාවලීය සදහා ත්‍රිවිධ හමුදාව, කොළඔ විශ්වවිද්‍යාලය, මොරටුව විශ්වවිද්‍යාලය, කොළඔ රාජකීය විද්‍යාලය, ශාන්ත තෝමස් විද්‍යාලය, ශාන්ත ජෝශප් විද්‍යාලය, කාන්තා විද්‍යාලය, විශාකා විද්‍යාලය හා කොළඔ ඔරු පැදීමේ සංගමය නියෝජනය කරමින් ක්‍රීඩක ක්‍රීඩිකාවන් 400 ක පමණ පිරිසක් සහභාගී වී සිටියහ.

පසුගිය පෙබරවාරි මස 14 සහ 15 යන දෙදින තුල නාවික හමුදාව සහ පොලිස් විශේෂකාර්ය බළකාය එක්ව දිවයිනේ ප්‍රදේශ කිහිපයක සිදු කළ විශේෂ මෙහෙයුම් වලදී නීති විරෝධී ලෙස මුහුදු මාර්ග ඔස්සේ විදේශ ගතවීම සඳහා සුදානම්ව සිටි පුද්ගලයින් 38 දෙනෙකු අත්අඩංගුවට ගැනීමට කටයුතු කරන ලදී.

වයඹ නාවික විධානයට අනුයුක්ත නාවිකයින් පිරිසක් ඊයේ දින (පෙබරවාරි 15) රාත්‍රී කාලයේ පුත්තලම, සින්නපාඩු මුහුදු ප්‍රදේශයේ සිදු කළ මුර සංචාරයකදී නීති විරෝධී ලෙස ලයිට් කෝස් පන්න ක්‍රමය භාවිතා කරමින් තහනම් මසුන් අල්ලමින් සිටි පුද්ගලයින් 07 දෙනෙකු අත්අඩංගුවට ගෙන ඇත.

වයඹ නාවික විධානයට අනුයුක්ත නාවිකයින් පිරිසක් විසින් ඊයේ දින (පෙබරවාරි 15) ශ්‍රී ලංකා නාවික නෞකා භරණ ආයතනයේ ප්‍රධාන දොරටුව ඉදිරිපස මාර්ගයේදී නීති විරෝධී ලෙස එළදෙනක් සහ පැටවකු ඩීමෝබට්ටා ලොරි රථයක පටවාගෙන පිටතට නොපෙනෙන සේ නිල්පැහැති ඉටිරෙද්දකින් ආවරණය කරගෙන ප්‍රවාහනය කරමින් සිටි පුද්ගලයින් දෙදෙනෙකු (02) අත් අඩංගුවට ගෙන ඇත.