නාවික හමුදාව විසින් 2019 සැප්තැම්බර් 20 දින ඉරණතිව් දූපත ආශ්‍රිතව සිදු කළ සෝදිසි කිරීමකදී බීඩිකොළ තොගයක් සොයා ගැනීමට සමත්ව ඇත.

නාවික හමුදාව විසින් 2019 සැප්තැම්බර් 20 වන දින පුල්මුඩේ, කෝකිලායි කලපු ප්‍රදේශයේදී නීති විරෝධි ලෙස ධිවර කටයුතුවල නිරත වූ පුද්ගලයින් සිව්දෙනෙකු (04) නාවික හමුදා බාරයට ගෙන ඇත.

වත්තල, හේකිත්ත ප්‍රදේශයේ පිහිටි රෙදිපිළි අලෙවිසැලක හදිසියේ හටගත් ගින්නක් මැඩපැවැත්විම සඳහා 2019 සැප්තැම්බර් 20 වන දින නාවික හමුදාව සිය දායකත්වය ලබා දෙන ලදී.

නාවික හමුදාව විසින් 2019 සැප්තැම්බර් 20 වන දින ත්‍රිකුණාමලය, එරක්කන්ඩි වෙරළ තීරයේ සිදු කළ සෝදිසි කිරීමකදි නීති විරෝධී ලෙස මසුන් ඇල්ලීම සඳහා ජෙලට්නයිට් කූරු යොදා සකස් කරන ලද චාර්ජස් දෙකක් (02) සොයා ගැනීමට සමත් වී ඇත.

පෞද්ගලික සමාගමකට අයත් ඉන්ධන නෞකාවක සේවය කරමින් සිටි තුවාල ලැබු නාවිකයෙකු 2019 සැප්තැම්බර් 19 වන දින කඩිනම් වෛද්‍ය ප්‍රථිකාර සඳහා ගොඩබිමට‍ රැගෙන ඒමට නාවික හමුදාව කටයුතු කරන ලදී.

ශ්‍රී ලංකා නාවික හමුදාව සතු අධි තාක්ෂණික ගැඹුරු මුහුදු නිරීක්ෂණ නෞකාවක් වන ශ්‍රී ලංකා නාවික නෞකා සිඳුරළ ‍නෞකාවේ නව අණදෙන නිලධාරී වශයෙන් කපිතාන් (අවි) උදය කුමාරසිංහ අද (සැප්තැම්බර් 19) වැඩ භාර ගන්නා ලදී.

ආරක්‍ෂක අමාත්‍යාංශය මඟින් ක්‍රියාත්මක කරනු ලබන ‘අපි වෙනුවෙන් අපි’ සහ ‘මෙත් සෙවණ’ අර්ධ නිවාස ව්‍යාපෘතිය යටතේ නාවික පුද්ගලයින් 170 දෙනෙකු හට ප්‍රේශණ පත් ප්‍රදානය කිරීම අද (2019 සැප්තැම්බර් 19) සිදු කෙරුණි.

සන්නද්ධ හමුදා සේනාධිනායක, ශ්‍රී ලංකා ප්‍රජාතාන්ත්‍රික සමාජවාදී ජනරජයේ අතිගරු ජනාධිපති මෛත්‍රීපාල සිරිසේන මැතිතුමා විසින් හිටපු නාවික හමුදාධිපති, අද්මිරාල් (විශ්‍රාමික) වසන්ත කරන්නාගොඩ ‘අද්මිරාල් ඔෆ් ද ෆ්ලීට්’ යන ගෞරවනීය නිලයෙහි අභිෂේක ගැන්වීමේ උත්සවය අද (2019 සැප්තැම්බර් 19) කොළඹ වරාය පරිශ්‍රයේදී උත්කර්ෂවත් අයුරින් පැවැත්විණි.

නීති විරෝධී ලෙස ශ්‍රී ලංකාවට අයත් මුහුදු සීමාවේ ධීවර කටයුතුවල නිරත වූ ඉන්දීය ධීවරයින් පස්දෙනෙකු (05) සහ ඔවුන්ට අයත් ට්‍රෝලර් යාත්‍රාවක් අද (සැප්තැම්බර් 18) නාවික හමුදා බාරයට ගෙන ඇත.

ඌරගස්මංහන්දිය හොරවල තොටුපල අසල දියේ යටවී තිබූ යතුරු පැදි දෙකක් ගොඩට ගැනීමට අද (සැප්තැම්බර් 18) නාවික හමුදාව සිය දායකත්වය ලබා දෙන ලදී.