නාවික හමුදාව සහ පොලිසිය එක්ව අද (2019 ඔක්තෝබර් 09) යාපනය, මාදගල් ප්‍රදේශයේ සිදු කළ වැටලීමකදී කැස්බෑ මස් තොගයක් සමඟ කාන්තාවක් අත්අඩංගුවට ගෙන ඇත.

නාවික හමුදාව සහ පොලිස් මත්ද්‍රව්‍ය නාශක කාර්යාංශය එක්ව 2019 ඔක්තෝබර් 08 වන දින මුන්දලම, කීරියන්කල්ලිය ප්‍රදේශයේදී හෙරොයින් ග්‍රෑම් 02 ක් සමඟ පුද්ගලයෙකු අත්අඩංගුවට ගෙන ඇත.

නාවික හමුදාව සහ පොලිසිය එක්ව 2019 ඔක්තෝබර් 08 වන දින අක්කරෙයිපත්තු ප්‍රදේශයේ සිදු කල වැටලීමකදී ගජමුතු ලඟ තබා ගත් පුද්ගලයින් තිදෙනෙකු (03) අත්අඩංගුවට ගැනීමට සමත්ව ඇත.

නාවික හමුදාව විසින් 2019 ඔක්තෝබර් මස 08 වන දින හම්බන්තොට ජාත්‍යාන්තර වරායේ අධිවේගී පිවිසුමේදී යකඩ එකතු කරමින් සිටි සැක කටයුතු පුද්ගලයින් තිදෙනෙකු නාවික හමුදා බාරයට ගෙන ඇත.

නාවික හමුදාව, පොලිසිය සහ ධීවර පරික්‍ෂක කාර්යලය එක්ව 2019 ඔක්තෝබර් 08 වන දින ත්‍රිකුණාමලය, තෝපුර් ප්‍රදේශයේදී මසුන් ඇල්ලීමට යොදා ගන්නා නීති විරෝධි දැල් 09 ක් සමඟ සැකකරුවන් දෙදෙනෙකු (02) අත්අඩංගුවට ගෙන ඇත.

2019 ඔක්තෝබර් 05 සහ 06 යන දෙදින ත්‍රිකුණාමලය, තිස්ස මහ විද්‍යාලයේ සිසුන් සඳහා නාවික හමුදා දායකත්වයෙන් නායකත්ව පුහුණු වැඩසටහනක් පවත්වන ලදී.

නාවික හමුදාව විසින් 2019 ඔක්තෝබර් 07 වන දින අරිප්පු වෙරළ තීරයේදී නීති විරෝධී ලෙස පුපුරණ ද්‍රව්‍ය යොදා මසුන් ඇල්ලූ පුද්ගලයින් හත්දෙනෙකු (07) නාවික හමුදා බාරයට ගෙන ඇත.

නාවික හමුදාව සහ පොලිස් විශේෂ කාර්ය බළකාය එක්ව 2019 ඔක්තෝබර් 07 වන දින වෙලනි, සෙට්ටිපුරම් ප්‍රදේශයේදී මත්ද්‍රව්‍ය ජාවාරම්කරුවෙකු සමඟ කේරළ ගංජා ග්‍රෑම් 95 ක් අත්අඩංගුවට ගැනීමට සමත්ව ඇත.

නාවික හමුදාව සහ පොලිස් විශේෂ කා‍ර්ය බලකාය එක්ව 2019 ඔක්තෝබර් 07 වන දින මුලතිව්, අලම්පිල් ප්‍රදේශයේ සිදු කළ සෝදිසි කිරීමකදී බෝම්බ සහ පතොරම් තොගයක් සොයා ගන්නා ලදී.

‘ගනර් සුපර්ක්‍රොස් - 2019’ යතුරු පැදි තරඟාවලිය 2019 ඔක්තෝබර් මස 06 වන දින මින්නේරිය කාලතුවක්කු රෙජිමේන්තු ධාවන පථයේදී පැවති අතර, එහිදී නාවික හමුදා යතුරු පැදි සංචිතය ජයග්‍රහණ රැසක් හිමිකරගන්නා ලදී.