නාවික හමුදාව විසින් 2019 අගෝස්තු 22 වන දින ත්‍රිකුණාමලය, කෝකිලායි ප්‍රදේශයේදී තහනම් දැල් භාවිතා කරමින් ධිවර කටයුතු වල නිරත වු පුද්ගලයින් දෙදෙනෙකු (2) නාවික හමුදා බාරයට ගෙන ඇත.

ශ්‍රී ලංකා නාවික හමුදාවේ මෙහෙයුම් කටයුතු පුළුල් කිරීම වෙනුවෙන් මහජන චීන සමූහාණ්ඩුව වෙතින් ශ්‍රී ලංකා නාවික හමුදාව වෙත ලබා ගන්නා ලද පී 625 නෞකාව අද (අගෝස්තු 22) කොළඹ වරාය පරිශ්‍රයේදී සන්නද්ධ හමුදා සේනාධිනායක, අතිගරු ජනාධිපති මෛත්‍රීපාල සිරිසේන මැතිතුමාගේ සුරතින් ශ්‍රී ලංකා නාවික නෞකා ‘පරාක්‍රමබාහු’ නමින් අධිකාරියට පත් කෙරිණි.

මහානගර හා බස්නාහිර සංවර්ධන අමාත්‍යාංශය මඟින් ‍කොළඹ නගරයේ වාහන තදබදයට පිළියම් ලෙස ආරම්භ කරන ලද මගී ප්‍රවාහන බෝට්ටු සේවය සඳහා නාවික හමුදාව විසින් නිෂ්පාදනය කරන ලද මගී බෝට්ටුවක් නාවික හමුදාධිපති වයිස් අද්මිරාල් පියල් ද සිල්වා විසින් අග්‍රාමාත්‍ය ගරු රනිල් වික්‍රමසිංහ මහතා වෙත නිළ වශයෙන් ප්‍රධානය කිරිම අද (අගෝස්තු 22) දින කොළඹ කොටුව ලේක් හවුස් ආයතනය ඉදිරිපිට මැකලම් ගේට්ටුව ආසන්යේ ඉදිකර ඇති බෝට්ටු නැවතුම් අංගනයේ දී සිදු විය.

නාවික හමුදාව සහ මුලතිව්,පොලිස් විශේෂ කාර්ය බලකාය එක්ව අද (අගෝස්තු 22) අළුයම මුලතිව්,උප්පුකුලම් ප්‍රදේශයේදී කේරළ ගංජා කිලෝග්‍රෑම් 1.460 ක් සොයා ගෙන ඇත.

නාවික හමුදාව විසින් අද (අගෝස්තු 22) අළුයම ත්‍රිකුණාමලය, වලල්තෝට්ටම් ප්‍රදේශයේදී තහනම් දැල් භාවිතා කරමින් ධීවර කටයුතු වල නිරත වු පුද්ගලයින් පහලොස් දෙනෙකු (15) නාවික හමුදා බාරයට ගෙන ඇත.

එක්සත් ජාතීන්ගේ මත්ද්‍රව්‍ය සහ අපරාධ පිළිබඳ ආයතනයේ (United Nations Office on Drugs and Crime - UNODC) නිර්දේශය මත බංග්ලාදේශ,මාලදිවයින සහ ශ්‍රීලංකා වෙරළාරක්ෂක නිලධාරින් සඳහා නෞකා හා යාත්‍රාවලට ප්‍රවිශ්ඨ වීමත්, ඒවා සෝදිසි කිරීමේ ක්‍රියාපටිපාටීන් හා ක්‍රමෝපායන් පිළිබඳ (Visit Board Search and Seizure - VBSS) පාඨමාලාවක් 2019 අගෝස්තු 19 වන දින ත්‍රිකුණාමලය, විශේෂ යාත්‍රා බලඝණ මූලස්ථානයේදී ආරම්භ කරන ලදී.

නීති විරෝධී ලෙස ශ්‍රී ලංකාවට අයත් මුහුදු සීමාවේ ධීවර කටයුතුවල නිරත වූ ඉන්දීය ධීවරයින් හතර දෙනෙකු (04) සහ ඔවුන්ට අයත් ධීවර යාත්‍රාවක් 2019 අගෝස්තු 21වන දින නාවික හමුදා බාරයට ගෙන ඇත.

නාවික හමුදාව විසින් අද (අගෝස්තු 21) අළුයම තලෙයිමන්නාරම, පියර්ගම ප්‍රදේශයේදී හෙරොයින් ග්‍රෑම් 210 ක් සමඟ පුද්ගලයන් දෙදෙනෙකු නාවික හමුදා බාරයට ගෙන ඇත.

නාවික හමුදාව විසින් ත්‍රිකුණාමලය, වත්තම සහ කෝකිලායි, තුඩුව ප්‍රදේශයේදී සිදුකළ මෙහෙයුමකදි පුපුරණ ද්‍රව්‍ය යොදා ගනිමින් ඇල්ලූ බවට සැක කරන මසුන් තොගයක් හා නීති විරෝධි මසුන් ඇල්ලු පුද්ගලයින් අට දෙනෙකු(8) නාවික හමුදා බාරයට ගෙන ඇත.

නාවික හමුදාව සහ ගුවන් හමුදාව එක්ව “හෙලිකොප්ටර් යානා මගින් නෞකාවක් මතට කා වැදි මනා පරික්ෂාවෙන් අත්පත් කර ගැනිමේ”(Heli Born Vessel Board Search Seizure) අභ්‍යාසයක් 2019 අගොස්තු මස 19 වන දින ත්‍රිකුණාමලයට නුදුරු මුහුදේදී පවත්වන ලදී.