නාවික හමුදා පුද්ගලයින් පිරිසක් විසින් 2019 සැප්තැම්බර් 09 වන දින මන්නාරම, පේසාලේ සහ කුරුසපාඩු අතර මුහුදු ප්‍රදේශයේදී නීති විරෝධී ලෙස ධීවර කටයුතුවල නිරතවූ පුද්ගලයින් සිව්දෙනෙකු (04) නාවික හමුදා බාරයට ගෙන ඇත.

නාවික හමුදාව විසින් 2019 සැප්තැම්බර් 09 වන දින යාපනය, මාදගල්තුරෙයි ප්‍රදේශයේ සිදු කළ සෝදිසි කිරීමකදී සැක කටයුතු පුද්ගලයෙකු නාවික හමුදා බාරයට ගෙන ඇත.

ශ්‍රී ලංකා නාවික හමුදාවේ රාජකාරී නියුතු ජ්‍යේෂ්ඨ නාවිකයින් 49 දෙනෙකු සඳහා රුපියල් ලක්ෂ පහක‍් (5) බැගින් වූ පොලී රහිත ණය මුදල් ලබා දීම අද (සැප්තැම්බර් 09) නාවික හමුදාධිපති, වයිස් අද්මිරාල් පියල් ද සිල්වා ගේ ප්‍රධානත්වයෙන් නාවික හමුදාධිපතිතුමාගේ කාර්යාලයේදී සිදු කෙරුණි.

නීති විරෝධී ලෙස ශ්‍රී ලංකාවට අයත් මුහුදු සීමාවේ ධීවර කටයුතුවල නිරත වූ ඉන්දීය ධීවරයින් හතර දෙනෙකු (04) සහ ඔවුන්ට අයත් ට්‍රෝලර් යාත්‍රාවක් 2019 සැප්තැම්බර් 09 වන දින නාවික හමුදා බාරයට ගෙන ඇත.

‘SAPPERS 4x4 GYMPO -2019’ යතුරු පැදි තරඟාවලිය 2019 සැප්තැම්බර් 08 වන දින ඇඹිලිපිටිය, තුංකම ශ්‍රී ලංකා යුද හමුදා ඉංජීනේරු බළකා ධාවන පථයේදී පැවැති අතර, එහිදී නාවික හමුදාව ජයග්‍රහණ රැසක් හිමිකර ගන්නා ලදී.

නාවික හමුදාව සහ පොලිස් විශේෂ කාර්ය බළකාය එක්ව 2019 සැප්තැම්බර් 08 වන දින හම්බන්තොට, සමෝදාගම ප්‍රදේශයේදී කේරළ ගංජා කිලෝග්‍රෑම් 01.94 ක් සමඟ සැකකරුවන් දෙදෙනෙකු (02) අත්අඩංගුවට ගෙන ඇත.

නාවික හමුදාව 2019 සැප්තැම්බර් 08 වන දින සිදු කළ විශේෂ සෝදිසි කිරීමකදී ත්‍රිකුණාමලය, ලංකාපටුන ප්‍රදේශයේදී ආගමන හා විගමන නීති උල්ලංඝනය කරමින් ව්‍යාපාර කටයුතුවල නිරත වූ ඉන්දියානු ජාතිකයින් දෙදෙනෙකු (02) නාවික හමුදා බාරයට ගෙන ඇත.

මාතර අප ස්වාමි දුවගේ ජාතික දේවස්ථානයේ වාර්ෂික දේව මංගල්‍යය මෙවරත් කිතුනු බැතිමතුන් විශාල පිරිසකගේ සහභාගීත්වයෙන් 2019 සැප්තැම්බර් මස 06 වන දින සිට 08 වන දින දක්වා අති උත්කර්ෂවත් අයුරින් පැවැත්විම සඳහා නාවික හමුදාව සිය දායකත්වය ලබා දෙන ලදී.

නාවික හමුදාව සහ පොලිසිය එක්ව 2019 සැප්තැම්බර් 07 වන දින මාතර, වලස්මුල්ල සහ මන්නාරම ප්‍රදේශයන්හි සිදු කළ වැටලීම්වලදී කේරළ ගංජා සමඟ පුද්ගලයින් දෙදෙනෙකු (02) අත්අඩංගුවට ගෙන ඇත.

2019 සැප්තැම්බර් 08 වන දිනට යෙදී තිබෙන ශ්‍රී ලංකා නාවික නෞකා ‘රංගල’ ආයතනයේ 52 වන සංවත්සරය නිමිත්තෙන් ආයතනයේ අණදෙන නිලධාරි, කපිතාන් මහේන්ද්‍ර වීරරත්න ඇතුළු නැව් මුළුව විසින් ආගමික වැඩසටහන් රැසක් ක්‍රියාත්මක කරන ලදී.