වව්නියාව දිස්ත්‍රික් මහ රෝහල් පරිශ්‍රයේ නාවික හමුදා ශ්‍රම දායකත්වයෙන් ප්‍රතිසංස්කරණය කළ දිවා සුරැකුම් මධ්‍යස්ථානය අද (2019 සැප්තැම්බර් 12) නාවික හමුදාධිපති, වයිස් අද්මිරාල් පියල් ද සිල්වා විසින් විවෘත කෙරුණි.

දකුණු නාවික විධානය භාර ආඥාපති, රියර් අද්මිරාල් කස්සප පෝල් 2019 සැප්තැම්බර් 11 වන දින හම්බන්තොට වරායේ ආරක්ෂක කටයුතු සම්බන්ධව නිරීක්ෂණ චාරිකාවක නිරත විය.

මුහුදු බත්ව තිබි ගොඩගෙන නාවික හමුදා මූලස්ථානයේ ස්ථාපිත කරන ලද පෞරාණික අවරපෙත්ත (propeller) නාවික හමුදාධිපති, වයිස් අද්මිරාල් පියල් ද සිල්වා විසින් 2019 සැප්තැම්බර් 10 වන දින නිරාවරණය කරන ලදී.

නාවික හමුදාව සහ පොලිසිය එක්ව 2019 සැප්තැම්බර් 10 වන දින මන්නාරම, එලූත්තූර් ප්‍රදේශයේ සිදු කළ වැටලීමකදී කේරළ ගංජා සමඟ පුද්ගලයින් හත්දෙනෙකු (07) අත්අඩංගුවට ගෙන ඇත.

බටහිර නාවික විධානයට අයත් ශ්‍රී ලංකා නාවික නෞකා ‘රංගල’ ආයතනයේ 52 වන සංවත්සරය 2019 සැප්තැම්බර් 09 වන දින අභිමානවත් ලෙස සමරන ලදි.

2019 සැප්තැම්බර් 14 වන දින කොළඹ නෙළුම් පොකුණ රඟහලේදී පැවැත්විමට කටයුතු සුදානම් කර ඇති ‘උදාරයි ඔබ’ සංගීත ප්‍රසංගය සම්බන්ධයෙන් මාධ්‍ය දැනුවත් කිරීමේ සාකච්ජාවක් අද (සැප්තැම්බර් 10) ආරක්‍ෂක අමාත්‍යාංශ සේවා වනිතා ඒකකයේ සභාපතිනි, සෝනියා කෝට්ටේගොඩ මැතිණියගේ ප්‍රදානත්වයෙන් ආරක්‍ෂක අමාත්‍යාංශ ශ්‍රවණාගාරයේදී පැවැත්විණි.

2019 අගෝස්තු 22 වන දින බංගලාදේශය සහ මියන්මාරය බලා ත්‍රිකුණාමලය වරායෙන් පිටත්ව ගිය ශ්‍රී ලංකා නාවික හමුදාව සතු ශ්‍රී ලංකා නාවික නෞකා ‘සයුර’ සහ ‘නන්දිමිත්‍ර’ යන නෞකාවන් 2019 සැප්තැම්බර් 08 වන දින සාර්ථක පුහුණු සහ සුහද සංචාරයකින් පසු ත්‍රිකුණාමලය, නාවික තඨාකාංගණය වෙත සේන්දු විය.

නාවික හමුදාව විසින් අද (සැප්තැම්බර් 10) අළුයම කන්කසන්තුරයට ඔබ්බෙන් වු මුහුදු ප්‍රදේශයේදී කේරළ ගංජා කිලෝග්‍රෑම් 23.1 ක් සොයා ගෙන ඇත.

සුහද සංචාරයක් සඳහා පසුගිය සැප්තැම්බර් 07 වන දින මෙරටට පැමිණි බංගලාදේශ නාවික හමුදාවට අයත් ‘සොමුද්‍රා අවිජාන්’ නෞකාව අද (සැප්තැම්බර් 10) උදෑසන කොළඹ වරායෙන් පිටත් විය. එහිදී, නාවික හමුදා සම්ප්‍රදායානුකූලව ශ්‍රී ලංකා නාවික හමුදාව විසින් එම නෞකාවට සමුදෙන ලදී.

වයඹ නාවික විධානයේ අභිනවයෙන් ඉදි කරන ලද තොරතුරු තාක්‍ෂණ මධ්‍යස්ථාන ගොඩනැගිල්ල අද (2019 සැප්තැම්බර් 10) වයඹ නාවික විධානය භාර ආඥාපති, රියර් අද්මිරාල් රුවන් පෙරේරා විසින් විවෘත කරන ලදී.