සාගරික සහ ගොඩබිම් පරිසර පද්ධතීන් සුරැකීම සඳහා සුවිශේෂී දායකත්වයක් ලබා දෙනු ලබන ශ්‍රී ලංකා නාවික හමුදාව, කඩොලාන පරිසර පද්ධති ව්‍යාප්ත කිරීමේ වැඩසටහන යටතේ ‍කඩොලාන පැල රෝපණය කිරීමේ වැඩසටහනක් ක්‍රියාත්මක කරන ලදී.

රියර් අද්මිරාල් ලලිත් දිසානායක 2020 ජනවාරි මස 31 වන දින උතුරු මැද නාවික විධානය භාර ආඥාපති වශයෙන් වැඩ භාර ගන්නා ලදී.

නාවික හමුදාව විසින් 2020 ජනවාරි 31 දින පොලිසිය හා එක්ව මන්නාරම, ඉරණමාතා නගර් ප්‍රදේශයේ සිදුකල සෝදිසි ‍මෙහෙයුමකදී කැස්බෑ මස් තොගයක් සමඟ පුද්ගලයෙකු අත් අඩංගුවට ගන්නා ලදි.

ජපාන නාවික හමුදා නියෝජිතයින් පිරිසක් 2020 ජනවාරි 31 වන දින නාවික හමුදා මූලස්ථානයේදී නාවික හමුදාධිපති, වයිස් අද්මිරාල් පියල් ද සිල්වා හමුවිය.

2019 වර්ෂයේ හොඳම ශ්‍රීලංකා නාවික හමුදා නෞකාව වශයෙන් ශ්‍රීලංනානෞ සිඳුරළ නෞකාවත් කුඩා නෞකාව වශයෙන් ඒ 521 නෞකාවත් හොඳම වේග ප්‍රහාරක යාත්‍රාව වශයෙන් පී 450 යාත්‍රාවත් 2020 ජනවාරි 31 දින නම් කරන ලද අතර, ඒ අනුව නාවික හමුදාධිපති වයිස් අද්මිරාල් පියල් ද සිල්වාගේ සුරතින් ජයග්‍රහණය ලද නෞකා සහ යාත්‍රාවන්ට හිමි තරු සලකුණ සහිත ඵලකයන් ලබා දීම සිදු කරන ලදි.

නාවික හමුදාව විසින් 2020 ජනවාරි 31 බහුදින ධීවර යාත්‍රාවක අනතුරකට පත්ව සිටි ධීවරයෙකු (01) නිරුපද්‍රිතව ගොඩබිමට රැගෙන ඒමට කටයුතු කරන ලදි.

ශ්‍රී ලංකා නාවික හමුදාව විසින් අද (2020 පෙබරවාරි 01) දින යාපනය, මයිලඩි ප්‍රදේශයට ආසන්න මුහුදේ සිදු කළ මුර සංචාරයකදී කේරළ ගංජා කිලෝග්‍රෑම් 97 ග්‍රෑම් 200 කට ආසන්න ප්‍රමාණයක් සොයා ගෙන ඇත.

නාවික හමුදාව 2020 ජනවාරි 31 මන්නාරම ප්‍රදේශය කේන්ද්‍ර කර ගනිමින් සිදු කළ වැටලීම් දෙකකදී (02) තහනම් දැල් තොගයක් සමග පුද්ගලයින් 12 දෙනෙකු නාවික හමුදා භාරයට ගෙන ඇත.

නීති විරෝධී ලෙස ශ්‍රී ලංකාවට අයත් මුහුදු සීමාවේ ධීවර කටයුතුවල නිරත වූ ඉන්දීය ධීවරයින් අටදෙනෙකු (08) සහ ඔවුන්ට අයත් ධීවර යාත්‍රාවක් 2020 ජනවාරි 30 වන දින නාවික හමුදා භාරයට ගන්නා ලදි.

ජාතික ජලජ සම්පත් පර්යේෂණ සහ සංවර්ධන නියෝජිත ආයතනයේ නිලධාරින් පිරිසක් නාවික හමුදාව සමග එක්ව 2020 ජනවාරි මස 30 වන දින සාගර විද්‍යා දත්ත රැස්කරනු ලබන Seaglider උපකරණ දෙකක් (02) නැවත අලුත්වැඩියා කටයුතු සදහා ඉවත් කර ගැනීමට කටයුතු කරන ලදි.