නාවික හමුදා දායකත්වයෙන් සංවර්ධනය කරන ලද මධ්‍යම පාළාතේ දඹුල්ල, ගලේවෙල වීර මොහාන් ජයමහ මහා විද්‍යාලයේ පහසුකම් සිසු අයිතියට පත් කිරීම උතුරු මැද නාවික විධානයේ ආඥාපති රියර් අද්මිරාල් බන්දුල සේනාරත්නගේ ප්‍රධානත්වයෙන් 2021 නොවැම්බර් මස 05 වන දින සිදු කෙරිණි.

ශ්‍රී ලංකා නාවික හමුදාව විසින් පවත්වාගෙන යනු ලබන බූස්ස කොවිඩ් 19 අතරමැදි ප්‍රතිකාර මධ්‍යස්ථානයේ භාවිතය සඳහා අවශ්‍ය රුපියල් මිලියන 9කට අධික වටිනාකමින් යුත් වෛද්‍ය උපකරණ තොගයක් සිටිසන් ඩිවලොප්මන්ට් බිස්නස් ෆයිනෑන්ෂියල් පුද්ගලික සමාගම (Citizens Development Business Finance PLC) විසින් නාවික හමුදාධිපති වයිස් අද්මිරාල් නිශාන්ත උළුගේතැන්න වෙත සංකේතාත්මකව ප්‍රදානය කිරීම අද (2021 නොවැම්බර් මස 05) නාවික හමුදා මුලස්ථානයේ අද්මිරාල් සෝමතිලක දිසානායක ශ්‍රවණාගාරයේදී සිදු කෙරිණි.

රියර් අද්මිරාල් අශෝක විජේසිරිවර්ධන සිය වසර 33 කට අධික නාවික සේවය නිමා කරමින් අද (2021 නොවැම්බර් 05) දින නාවික හමුදා සේවයෙන් විශ්‍රාම යන ලදී.

නාවික හමුදා වැඩ බලන අධ්‍යක්‍ෂ ජෙනරාල් විදුලි හා විද්‍යුත් වශයෙන් කටයුතු කළ කොමදෝරු කමල් බෝඹුගලගේ සිය වසර 33 කට අධික සේවා කාලය නිමා කරමින් 2021 නොවැම්බර් 03 වන දින නාවික හමුදා සේවයෙන් විශ්‍රාම යන ලදී.

කාන්තා මීටර් 1500 සහ මීටර් 5000 මළල ක්‍රීඩා ඉසව්වන්ගෙන් නව ශ්‍රී ලංකා වාර්තා දෙකක් පිහිටුවා ශ්‍රී ලංකා නාවික හමුදාවට විශාල කීර්තියක් ගෙනදුන් නාවික හමුදා සේවයෙහි නියුතු නායක කාන්තා නැවි ගයන්තිකා අබේරත්න ක්‍රීඩිකාව දිරිගැන්වීම සඳහා නාවික හමුදාධිපති වයිස් අද්මිරාල් නිශාන්ත උළුගේතැන්න විසින් ඇය අද දින සිට (2021 නොවැම්බර් 02) කාන්තා සුළු නිලධාරී තරාතිරම දක්වා උසස් කිරීමට කටයුතු කෙරිණි.

යුද්ධයේ දී දිවි පිදූ රණවිරුවන් සිහිපත් කිරීම සංකේතවත් කරමින් පැවැත්වෙන පොපි මල් සැමරුමට සමගාමීව ශ්‍රී ලංකා නාවික හමුදා සංගමයේ සභාපති, අද්මිරාල් (විශ්‍රාමික) දයා සඳගිරි විසින් නාවික හමුදාධිපති, වයිස් අද්මිරාල් නිශාන්ත උළුගේතැන්න වෙත පොපි මලක් පැළඳවීම අද (2021 නොවැම්බර් 02) නාවික හමුදා මූලස්ථානයේදී සිදු කෙරිණි.

ශ්‍රී ලංකා නාවික හමුදාව සමඟ ඒකාබද්ධ නාවික අභ්‍යාසයක් සඳහා 2021 ඔක්තෝබර් මස 24 දින දිවයිනට සේන්දු වූ ඉන්දීය නාවික හමුදාවේ පළමු වන පුහුණු බලඝණයට අයත් (01st Training Squadron) SHARDUL, MAGAR, SUJATA, SUDARSHINI, TARANGINI සහ ඉන්දියානු වෙරළාරක්‍ෂක නෞකා VIKRAM යන පුහුණු නෞකා ශ්‍රී ලංකා නාවික හමුදාව සමඟ කොළඹදී සහ ත්‍රිකුණාමලයේදී පැවති ඒකාබද්ධ නාවික අභ්‍යාසය සාර්ථකව අවසන් කරමින් 2021 ඔක්තෝබර් 27 සහ අද (28) දිවයිනෙන් පිටත්ව යන ලදී.

සෑම වසරකම නොවැම්බර් මාසය තුළ පැවැත්වෙන යුද්ධයේ දී දිවි පිදූ රණවිරුවන් සිහිපත් කිරීම සංකේතවත් කරමින් නාවික හමුදාධිපති, වයිස් අද්මිරාල් නිශාන්ත උළුගේතැන්න වෙත පොපි මලක් පැළඳවීම ශ්‍රී ලංකා සේවා මුක්ත භට සංගමයේ සභාපති, මේජර් ජෙනරල් (විශ්‍රාමික) උපුල් පෙරේරා විසින් අද දින (2021 ඔක්තෝබර් 28) නාවික හමුදා මූලස්ථානයේදී සිදු කෙරිණි.

රියර් අද්මිරාල් ජයන්ත ගමගේ සිය වසර 34 කට අධික නාවික සේවය නිමා කරමින් අද (2021 ඔක්තෝබර් 28) දින නාවික හමුදා සේවයෙන් විශ්‍රාම යන ලදී.

නාවික හමුදාව විසින් පානම වෙරළ තීරයේ අභිනවයෙන් ඉදිකළ ‘Surfing Club’ ගොඩනැඟිල්ල ගිණිකොන නාවික විධානයේ ආඥාපති රියර් අද්මිරාල් ජයන්ත ගමගේ ගේ ප්‍රධානත්වයෙන් 2021 ඔක්තෝබර් මස 25 වන දින විවෘත කරන ලදී.