ශ්‍රී ලංකා ස්වේච්ඡා නාවික හමුදාවේ 2024 වාර්ෂික පුහුණු කඳවුරේ අංශ පිරික්‍සුම සහ ආචාර පෙළපාලිය 2024 ඔක්තෝබර් මස 24 වන දින වැලිසර, ශ්‍රී ලංකා ස්වේච්ඡා නාවික හමුදා මූලස්ථානයේදී සාර්ථකව පැවැත්වුණු අතර, ස්වේච්ඡා නාවික හමුදාවේ ආඥාපති රියර් අද්මිරාල් ලශාන්ත් එන් හේවාවිතාරණ ගේ සහ ස්වේච්ඡා නාවික හමුදාවේ අණදෙන නිලධාරි කොමදෝරු සුසන්ත ධර්මසිරි ගේ ආරාධනයෙන් එම අවස්ථාව සඳහා ප්‍රධාන ආරාධිතයා ලෙස නාවික හමුදාධිපති වයිස් අද්මිරාල් ප්‍රියන්ත පෙරේරා සහභාගී විය.

ශ්‍රී ලංකා ජාතික ආරක්‍ෂක විද්‍යායතනයේ ජාතික ආරක්‍ෂක පාඨමාලාව හදාරනු ලබන නිලධාරීන් වෙනුවෙන් සාම්ප්‍රදායිකව නාවික හමුදාධිපති වෙතින් පිරිනැමෙන රාත්‍රී භෝජන සංග්‍රහය, එම විද්‍යායතනයේ තෙවන (03) පාඨමාලාවට අයත් නිලධාරීන් වෙනුවෙන් පිරිනැමීම, නාවික හමුදාධිපති වයිස් අද්මිරාල් ප්‍රියන්ත පෙරේරා ගේ ප්‍රධානත්වයෙන් 2024 ඔක්තෝබර් මස 23 වන දින බටහිර නාවික විධාන නිලධාරී නිවාසයේ දී සිදුකෙරිණි.

නාවික හමුදාධිපති වයිස් අද්මිරාල් ප්‍රියන්ත පෙරේරා, කොළඹ ජාතික ආරක්ෂක විද්‍යායතනයේ තෙවන (03) ජාතික ආරක්‍ෂක පාඨමාලාව හදාරනු ලබන දේශිය හා විදේශීය ත්‍රිවිධ හමුදාවේ සහ පොලීසියේ ජ්‍යේෂ්ඨ නිලධාරීන් වෙනුවෙන්, 2024 ඔක්තෝබර් මස 23 වන දින ආරාධිත දේශනයක් පැවැත්වීමට කටයුතු කෙරිණි.

උතුරු නාවික විධානයට අයත් ශ්‍රී ලංකා නාවික නෞකා උත්තර ආයතනයේ සුභසාධන පහසුකම් පුළුල් කිරීමේ අරමුණෙන් ප්‍රතිසංස්කරණය කරන ලද පිහාටු පන්දු ක්‍රීඩාංගනය සහ නවීකරණය කරන ලද ප්‍රධාන මුළුතැන්ගෙය උතුරු නාවික විධානයේ ආඥාපති රියර් අද්මිරාල් රෝහිත අබේසිංහ ගේ ප්‍රධානත්වයෙන් 2024 ඔක්තෝබර් මස 22 දින විවෘත කෙරිණි.

නාවික හමුදා ක්‍ෂණික ක්‍රියාකාරී යාත්‍රා බලඝණයේ මෙහෙයවීමෙන් ජාතික ආපදා සහන සේවා මධ්‍යස්ථානයේ රජයේ නිලධාරීන් වෙත පුහුණූ වැඩසටහනක් 2024 ඔක්තෝබර් මස 21 වන දින ආරම්භ කෙරිණි.

දිවි පිදූ රණවිරුවන් සිහිපත් කිරීම සංකේතවත් කරමින් පැවැත්වෙන පොපි සැමරුමට සමගාමීව ශ්‍රී ලංකා ‍සේවා මුක්ත භට සංගමයේ සභාපති ලුතිනන් කර්නල් අජිත් සියඹලාපිටිය (විශ්‍රාමික) විසින් නාවික හමුදාධිපති, වයිස් අද්මිරාල් ප්‍රියන්ත පෙරේරා වෙත පොපි මලක් පැළඳවීම අද දින (2024 ඔක්තෝබර් 23) නාවික හමුදා මූලස්ථානයේදී සිදු කෙරිණි.

නාවික හමුදා පුද්ගලයින් බෝ නොවන රෝගයන්ට ගොදුරු විම වැලැක්වීම සඳහා අනුගමනය කළ යුතු පිළිවෙත් සම්බන්ධ විශේෂ දේශණයක් විශේෂඥ වෛද්‍ය රියර් අද්මිරාල් ගෝඨාභය රණසිංහ විසින් 2024 ඔක්තෝබර් මස 16 වන දින නාවික හමුදා මුලස්ථානයේදී පැවැත්වීමට කටයුතු කෙරිණි.

ශ්‍රී ලංකාවේ අධ්‍යයන සංචාරයක නිරතවන ඔස්ට්‍රේලියාවේ ආරක්ෂක සහ උපායමාර්ගික අධ්‍යයන පාඨමාලාවට (Defence and strategic studies course - Australian) අයත් ශිෂ්‍ය නිලධාරීන්ගෙන් සහ අධ්‍යයන කාර්යමණ්ඩල සාමාජිකයින්ගෙන් සමන්විත, Colonel Lara Terese Troy ගේ ප්‍රධානත්වයෙන් යුත් නිලධාරීන් පිරිසක් අද දින (2024 ඔක්තෝබර් 22) නාවික හමුදා මූලස්ථානයේ සංචාරයක නිරතවු අතර, නාවික හමුදාධිපති වයිස් අද්මිරාල් ප්‍රියන්ත පෙරේරා විසින් එම නිලධාරින් පිරිස නාවික හමුදා මූලස්ථානය වෙත පිළිගැනීමට කටයුතු කෙරිණි.

ශ්‍රී ලංකා නාවික හමුදාවේ සමාජීය මෙහෙවර ව්‍යපෘතිය යටතේ, මිනුවන්ගොඩ මූලික රෝහලේ රුධිර කාන්දුකරණ ඒකකයන්හි ස්ථාපනය කරන ලද වෛද්‍ය ශ්‍රේණියේ ප්‍රති ආශ්‍රැතිකරණ යන්ත්‍රය (01) 2024 ඔක්තෝබර් මස 21 වන දින ගම්පහ ප්‍රාදේශීය සෞඛ්‍ය සේවා අධ්‍යක්‍ෂක ඉන්ද්‍රානි මල්වැන්න මහත්මිය සහ වැඩබලන කළමණාකරු (නාවික සමාජීය මෙහෙවර) ව්‍යාපෘති විසින් ජනතා අයිතියට පත් කිරීමට කටයුතු කෙරිණි.

2024 ඔක්තෝබර් මස 19 වන දින නිල සංචාරයක් සඳහා දිවයිනට පැමිණි ඉන්දීය නාවික හමුදාවට අයත් “INS Kalpeni (T-75)” වේග ප්‍රහාරක යාත්‍රාව, එම නිල සංචාරය සාර්ථකව අවසන් කරමින් අද දින (2024 ඔක්තෝබර් 21) දිවයිනෙන් පිටත්ව යන ලද අතර, එම නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම කොළඹ වරායේදී සිදු කෙරිණි.