ශ්‍රී ලංකා ජීවිතාරක්‍ෂක සංගමය මඟින් 2022 දෙසැම්බර් මස 23 සහ 24 යන දිනයන්හිදී නාරාහේන්පිට පොලිස් පිහිණුම් තඨාකයේදී සහ ගල්කිස්ස ශ්‍රී ලංකා ජීවිතාරක්‍ෂක සංගම් මූලස්ථානය ඉදිරිපස වෙරළ තීරයේදී පවත්වන ලද ‘71 වන ජාතික ජීවිතාරක්‍ෂක ශූරතාවලිය - 2022’ හි මාස්ටර්ස් (Masters) ශූරතාවය දිනා ගැනීමට නාවික හමුදා ජීවිතාරක්‍ෂක කණ්ඩායම සමත් විය.

වයඹ නාවික විධානයට අයත් ශ්‍රී ලංකා නාවික නෞකා විජය ආයතනයේ කණිෂ්ඨ නාවිකයින්ගේ සුභසාධන පහසුකම් පුළුල් කිරීමේ අරමුණින් අභිනවයෙන් ඉදිකරන ලද ගොඩනැගිල්ල, නාවික හමුදාධිපති වයිස් අද්මිරාල් ප්‍රියන්ත පෙරේරා ගේ උපදෙස් මත, වයඹ නාවික විධානයේ ආඥාපති රියර් අද්මිරාල් සුරේෂ් ද සිල්වා ගේ ප්‍රධානත්වයෙන් 2022 දෙසැම්බර් මස 23 වන දින විවෘත කෙරිණි.

නාවික හමුදාධිපති වයිස් අද්මිරාල් ප්‍රියන්ත පෙරේරා, ශ්‍රී ලංකා නාවික හමුදාවේ 25 වන නාවික හමුදාධිපති ලෙස ධූරයේ වැඩභාර ගැනීමෙන් පසු, 2022 දෙසැම්බර් මස 24 වන දින අනුරාධපුර අටමස්ථානය ඇතුළු පූජනීය ස්ථාන වන්දනාමාන කරමින් නාවික හමුදාවේ ඉදිරි කටයුතු සඳහා ආශිර්වාද ලබාගත් අතර, මෙම අවස්ථාව සඳහා නාවික හමුදා සේවා වනිතා ඒකකයේ ගරු සභාපතිනී, මාලා ළමාහේවා මැතිණියද සහභාගී විය.

ශ්‍රී ලංකා නාවික හමුදා ක්‍රිස්තියානි සංගමයේ මූලිකත්වයෙන් හා නාවික හමුදා සේවා වනිතා ඒකකයේ සහයෝගයෙන් සංවිධානය කරන ලද නාවික හමුදා නත්තල් කැරොල් ගී ප්‍රසංගය - 2022, "May your days be merry and bright and may all your Christmases be white" යන තේමාව පෙරදැරිව දෙසැම්බර් මස 23 වන දින සන්ධ්‍යාවේදී නාවික හමුදා මූලස්ථානයේ අද්මිරාල් සෝමතිලක දිසානායක ශ්‍රවණාගාරයේදී උත්කර්ශවත් අයුරින් පැවැත්වුණු අතර, මෙම අවස්ථාව සඳහා නාවික හමුදාධිපති වයිස් අද්මිරාල් ප්‍රියන්ත පෙරේරා ගේ ආරාධනයෙන් ප්‍රධාන ආරාධිතයා ලෙස හිටපු නාවික හමුදාධිපති වරයෙකු වන දේශමාන්‍ය අද්මිරාල් (විශ්‍රාමික) ඩීබී ගුණසේකර සහභාගි විය.

නාවික හමුදාධිපති වයිස් අද්මිරාල් ප්‍රියන්ත පෙරේරා, ශ්‍රී ලංකා නාවික හමුදාවේ 25 වන නාවික හමුදාධිපති ලෙස ධූරයේ වැඩභාර ගැනීමෙන් පසු, අද දින (2022 දෙසැම්බර් 23) මහනුවර ශ්‍රී දළඳා සමිඳුන් වැඳපුදා ගනිමින් නාවික හමුදාවේ ඉදිරි කටයුතු සඳහා ආශිර්වාද ලබාගත් අතර, මෙම අවස්ථාව සඳහා නාවික හමුදා සේවා වනිතා ඒකකයේ ගරු සභාපතිනී, මාලා ළමාහේවා මැතිණියද සහභාගී විය.

වසර 36 කට අධික නාවික හමුදා සේවය නිමා කරමින් රියර් අද්මිරාල් නිශාන්ත ද සිල්වා අද දින (2022 දෙසැම්බර් 23) නාවික හමුදා සේවයෙන් විශ්‍රාම යන ලදී.

ශ්‍රී ලංකා සංචාරක අමාත්‍යංශය, ත්‍රිවිධ හමුදාව සහ පොලීසිය එක්ව සංවිධානය කරනු ලබන විශේෂ නත්තල් කැරොල් ගී ප්‍රසංගය ගාලු මුවදොර ජනාධිපති ලේකම් කාර්යාල පරිශ්‍රය අභියසදී 2022 දෙසැම්බර් මස 18 වන දින පස්වරුවේ ආරම්භ වූ අතර, එම ප්‍රසංගය වර්ණවත් කිරීම සඳහා නාවික හමුදා වාද්‍ය වෘන්දය සහ සංස්කෘතික නර්ථන කණ්ඩායම 2022 දෙසැම්බර් මස 21 වන දින සන්ද්‍යාවේදී දායකත්වය ලබා දෙන ලදී.

ත්‍රීකුණාමලය නාවික තඨාකාංගණය තුල කණිෂ්ඨ නාවිකයින්ගේ නවාතැන් පහසුකම් පුළුල් කරමින්, නිකල්සන් කෝව් ජැටියට (Nicalson Cove pier) ආසන්නයෙන් අභිනවයෙන් ඉදිකරන ලද කණිෂ්ඨ නාවික නිවාස ගොඩනැගිල්ල, නාවික හමුදා නියෝජ්‍ය මාණ්ඩලික ප්‍රධානී හා නැගෙනහිර නාවික විධානයේ ආඥාපති රියර් අද්මිරාල් ජයන්ත කුලරත්න ගේ ප්‍රධානත්වයෙන් 2022 දෙසැම්බර් මස 21 වන දින විවෘත කිරීමට කටයුතු කෙරිණි.

ශ්‍රී ලංකා වෙරළාරක්‍ෂක දෙපාර්තමේන්තුවේ අධ්‍යක්‍ෂක ජෙනරාල්, රියර් අද්මිරාල් පූජිත විතාන අද දින (2022 දෙසැම්බර් 22) නාවික හමුදා මූලස්ථානයේදී අභිනව නාවික හමුදාධිපති, වයිස් අද්මිරාල් ප්‍රියන්ත පෙරේරා හමුවිය.

පාසැල් දරුවන් අතර බාලදක්‍ෂ ව්‍යාපාරය ප්‍රචලිත කිරීමේ අරමුණින් ත්‍රිවිධ හමුදාවේ සහ පොලීසියේ දායකත්වයෙන්, කොළඹ රාජකීය විද්‍යාලය විසින් සංවිධානය කරන ලද Combat ’ 2022 ප්‍රදර්ශනය 2022 දෙසැම්බර් මස 20 වන දින එම විද්‍යාල‍යේදී සාර්ථකව පවත්වන ලද අතර, එම ප්‍රදර්ශනය සඳහා ශ්‍රී ලංකා නාවික හමුදාවේ අවි හා උපාංග සහ හැකියාවන් විදහා දැක්වෙන ප්‍රදර්ශන කුටි එක් කිරීමට නාවික හමුදාව කටයුතු කෙරිණි.