ගාල්ල, වක්වැල්ල පාලම තුල සිරවී තිබූ දැව කඳන් සහ අපද්‍රව්‍ය ඉවත් කර ජලය නිසි පරිදි බැස යාමට සැලැස්වීමෙන් එම ප්‍රදේශයට ඉදිරියේදී ඇති විය හැකි ගංවතුර ආපදා තත්වය මැඩ පැවැත්වීමට 2020 මැයි මස 10 වන දින නාවික හමුදාව කටයුතු කරන ලදී.

නාවික හමුදාව සහ හම්බන්තොට, දිසා දූෂණ මර්ධන ඒකකය එක්ව අද (2020 මැයි 10) හම්බන්තොට, කොහොලන්කල ප්‍රදේශයේ සිදු කල විශේෂ සෝදිසි මෙහෙයුමකදී හෙරොයින් සමඟ සැකකරුවෙක් අත්අඩංගුවට ගැනීමට කටයුතු කරන ලදි.

ගාල්ල, අගලිය පාලම තුල ජලය බැසයාමට බාධාවන ලෙස සිරවී තිබූ දැව කඳන් සහ අපද්‍රව්‍ය ඉවත් කර ඉදිරියේදී ඇති විය හැකි ගංවතුර ආපදා තත්වය මැඩ පැවැත්වීමට නාවික හමුදාව 2020 මැයි 09 වන දින කටයුතු කරන ලදී.

ශ්‍රී ලංකා නාවික හමුදාව විසින් 2020 මැයි 09 වන දින ත්‍රිකුණාමලය, මලෙයිමුන්තාල් මුහුදු ප්‍රදේශයේදී සිදු කල විශේෂ සෝදිසි මෙහෙයුමකදී පුපුරණ ද්‍රව්‍ය යොදා මසුන් අල්ලමින් සිටි පුද්ගලයින් තිදෙනෙක් (03) නාවික හමුදා භාරයට ගන්නා ලදි.

නාවික හමුදාව විසින් කොරෝනා වෛරසය රට තුල ව්‍යාප්ත වීම පාලනය කිරීම සඳහා සිදුකරනු ලබන වැඩසටහන් වෙනුවෙන් අවශ්‍ය මුහුණු ආවරණ තොගයක් රාගම ප්‍රදේශයේ ජනතාව විසින් නාවික හමුදාව වෙත ලබා දීමට අද (2020 මැයි 09) කටයුතු කරන ලදි.

නාවික හමුදාව විසින් කොරෝනා වෛරසය රට තුල ව්‍යාප්ත වීම පාලනය කිරීම සඳහා සිදුකරනු ලබන වැඩසටහන් වෙනුවෙන් අත්‍යාවශ්‍ය උණුවතුර බෝතල් තොගයක් ශ්‍රී ලංකා නාවික හමුදාවේ 10 වන ශිෂ්‍යභට බඳවා ගැනීමට අයත් විශ්‍රාමික ජ්‍යෙෂ්ඨ නිළධාරීන් විසින් නාවික හමුදාව වෙත ලබා දීම අද (2020 මැයි 09) නාවික හමුදා මූලස්ථාන පරිශ්‍රයේදී සිදු කරන ලදි.

බූස්ස නාවික හමුදා කඳවුරේ ස්ථාපිත නිරෝධායන මධ්‍යස්ථානය තුල සාර්ථකව නිරෝධායන කටයුතු අවසන් කරන ලද තවත් පුද්ගලයින් 14 දෙනෙකු 2020 මැයි 08 සහ 09 යන දිනයන්හි එම මධ්‍යස්ථානයෙන් පිටත්ව යන ලදි.

කොරෝනා වෛරසය ආසාධනය වී ඇති බවට මුල් වරට හදුනා ගත් පොළොන්නරුව ප්‍රදේශයේ නාවිකයා ඇතුළු රෝහල් ගතව ප්‍රථිකාර ලැබූ තවත් කොරෝනා වෛරසය ආසාධිතවූ නාවික හමුදා පුද්ගලයින් 05 දෙනෙකු සිදු කල පීසීආර් පරීක්‍ෂණ මගින් වෛරසය ශරීර තුල නොමැති බවට තහවුරු කර ගැනීමෙන් පසු 2020 මැයි මස 08 සහ 09 යන දිනයන්හි රෝහල් වෙතින් මුදා හැරීමට කටයුතු කර ඇත.

අප තිලෝගුරු සම්මා සම්බුදුරජාණන් වහන්සේගේ උපත, සම්බුද්ධත්වය සහ පරිණිර්වානය සිදුවූ වෙසක් පුර පසලොස්වක පොහොය දිනය නිමිති කරගෙන සියළුම නාවික හමුදා කඳවුරු පරිශ්‍රයන්හි ආගමික වතාවත් පැවැත්වීමට කටයුතු කරන ලදි. ලොව පුරා වසංගත තත්වයක් ලෙස පැතිරීයන කොවිඩ් - 19 වෛරසය ආසාධනයවී රෝහල් වල ප්‍රතිකාර ලබන නාවික හමුදා සමාජිකයින් මෙන්ම සියළු ශ්‍රීලාංකිකයින් ඇතුළු සමස්ථ ලෝවාසී ජනතාව වෙනුවෙන් ඉක්මන් සුවය ප්‍රාර්ථනා කිරීමද මෙහිදී සිදු කරන ලදි.

කොවිඩ් - 19 වෛරසය ආසාධනයවී රෝහල් ගතව ප්‍රථිකාර ලැබූ තවත් නාවික හමුදා පුද්ගලයින් දෙදෙනෙකු 2020 මැයි මස 07 වන දින සිදු කල පීසීආර් පරීක්‍ෂණ මගින් වෛරසය ශරීර තුල නොමැති බවට තහවුරු කර ගැනීමෙන් පසු රෝහලින් මුදා හැරීමට කටයුතු කර ඇත.