ජපාන ස්වයං ආරක්ෂක සාගරික බලකායට අයත් ‘කාගා’ සහ “ඉනසුමා” නෞකාවන් සුහද සංචාරයක් සඳහා අද (සැප්තැම්බර් 30) කොළඹ වරායට සේන්දු විය. එහිදී ශ්‍රී ලංකා නාවික හමුදාව විසින් නාවික සම්ප්‍රදායානුකූලව එම නෞකාවන් පිළිගන්නා ලදී.

ඇමෙරිකානු නාවික හමුදාව විසින් සංවිධානය කරන ලද ජාත්‍යන්තර සමුද්‍ර ආදිපත්‍ය සමුළුව (International Seapower Symposium) සඳහා නාවික හමුදාධිපති, වයිස් අද්මිරාල් සිරිමෙවන් රණසිංහ මහතා සහභාගී විය.

බ්‍රිගේඩියර් එච් සිං දෝදී (Brigadier H. Singh Dhodi) මහතාගේ ප්‍රධානත්වයෙන් යුත් ඉන්දියානු යුද්ධ හමුදා උසස් අණදෙන පාඨමාලාව හදාරනු ලබන ජ්‍යේෂ්ඨ නිලධාරීන් 15 දෙනෙකුගෙන් සමන්විත දූත පිරිසක් පසුගිය සැප්තැම්බර් 24 වන දින ශ්‍රී ලංකාවට පැමිණි අතර, එම ජ්‍යේෂ්ඨ නිලධාරි පිරිස පසුගිය සැප්තැම්බර් 25 වන දින නාවික හමුදා මූලස්ථානයේ සංචාරයක නිරත විය.

ශ්‍රී ලංකා යුද හමුදාව විසින් 9 වන වරටත් සංවිධානය කරන ලද “දියකාවා” ඒකාබද්ධ ක්ෂේත්‍ර පුහුණු අභ්‍යාසය ත්‍රිවිධ හමුදා සහ විදේශීය හමුදා පුද්ගලයින්ගේ සහභාගීත්වයෙන් නැගෙනහිර, මධ්‍යම, බටහිර සහ උතුරු මැද පළාත් ආවරණය වන පරිදි පැවැත්විමට කටයුතු යොදා තිබුණී.

නාවික හමුදාව සමාජීය සුභසාධන කටයුතු නිරන්තරයෙන් සිදු කරනු ලබන අතර, එහි තවත් එක් පියවරක් වශයෙන් පසුගිය දින වල ශ්‍රී ලංකාවේ ප්‍රදේශ රැසකට බලපා ඇති නියඟය හේතුවෙන් විපතට පත් ජනතාව සඳහා පානීය ජලය සැපයිමට නාවික හමුදාව කටයුතු කරන ලදී.

ක්‍ෂණික ක්‍රියාකාරි යාත්‍රා බලඝණ මුලස්ථානයට අයත් වෙල්ලමුන්දලම නාවික අනුඛණ්ඩයට අනුයුක්ත නාවිකයින් පිරිසක් විසින් ඊයේ (සැප්තැම්බර් 26) පුත්තලම, වෙල්ලමුන්දලම ප්‍රදේශ‍යේ කැලෑවක සඟවා තිබියදි කේරළ ගංජා කිලෝග්‍රෑම් 114.955 ක් සොයා ගෙන ඇත.

උතුරු නාවික විධානයට අයත් වේග ප්‍රහාරක යාත්‍රාවකට අනුයුක්ත නාවිකයන් පිරිසක් විසින් ඊයේ (සැප්තැම්බර් 25) කේරළ ගංජා කිලෝග්‍රෑම් 28 ක් සමඟ පුද්ගලයින් දෙදෙනෙකු (02) අත්අඩංගුවට ගැනීමට සමත් වී ඇත.

අන්තර්ජාතික වෙරළ පවිත්‍රතා දිනයට සමගාමීව ශ්‍රී ලංකාව තුළ සැප්තැම්බර් 15 වන දින සිට 21 වන දින දක්වා ජාතික වෙරළ සහ සමුද්‍ර සම්පත් සුරැකීමේ සතියක් ප්‍රකාශයට පත් තිබු අතර, ඒ අනුව ඊට සමගාමිව වෙරළ තීරයන් ආශ්‍රිතව පරිසරය පිරිසිදු කිරීමේ වැඩසටහන් සඳහා නාවික හමුදාව සිය දායකත්වය ලබා දීමට කටයුතු කරන ලදී.

ශ්‍රී ලංකා නාවික හමුදාව විසින් ප්‍රථම වරට පවත්වනු ලැබූ ‘Sandy Bay Navy Cup 2018’ ගොල්ෆ් තරඟාවලිය පසුගිය සැප්තැම්බර් 23 වන දින ත්‍රිකුණාමලය.

ඕස්ට්‍රේලියානු නාවික හමුදාව විසින් දෙවසරකට වරක් පවත්වනු ලබන කකාඩු (KAKADU-2018) නාවික අභ්‍යාසයට සහභාගී වීම සඳහා පසුගිය අගෝස්තු 20 වන දින ත්‍රිකුණාමලය වරායෙන් ඕස්ට්‍රේලියාව බලා පිටත් වූ ශ්‍රී ලංකා නාවික නෞකා ‘සිඳුරළ’ නෞකාව සාර්ථක ලෙස නාවික අභ්‍යාසය නිමා කරමින් නාවික ඉතිහාසයේ දීර්ඝතම මුහුදු ගමනකින් පසු ඊයේ (සැප්තැම්බර් 24) දිවයිනට ලඟා වූ අතර, මෙම සංචාරය තුළ ‘සිඳුරළ’ නෞකාව නාවික සැතපුම් 6646 ක් ආවරණය කර ඇත. නෞකාව කොළඹ වරායට සේන්දුවිමෙන් පසු නාවික සම්ප්‍රදායානුකූලව වරාය පරිශ්‍රය වෙත පිළිගැනීමට කටයුතු කෙරුණි.