ජෙනරාල් ශ්‍රිමත් ජෝන් කොතලාවල ආරක්ෂක විශ්වවිද්‍යාලයට අයත් ශික්ෂණ රෝහලේ ප්‍රධාන විධායක නිළධාරී වශයෙන් රාජකාරී කළ රියර් අද්මිරාල් නිකලස් ජයසේකර මහතා සිය 34 වසරක සේවය නිමා කරමින් අද (6) දින විශ්‍රාම යන ලදී.

නාවික හමුදාව විසින් ක්‍රියාත්මක කරගෙන යනු ලබන ප්‍රජා සත්කාරක හා සමාජ සේවාවන්හි තවත් එක් පියවරක් වශයෙන් ඊයේ (5) යාපනය අර්ද්වීපයේ, අනලතිව් දූපතේ පිහිටි සිද්ධා බෙහෙත් ශාලාවෙහි ක්ෂේත්‍ර වෛද්‍ය සායනයක් පවත් වන ලදි.

උතුරු නාවික විධානයට අයත් මණ්ඩතිව් පිහිටි, ශ්‍රී ලංකා නාවික නෞකා වේළුසුමන ආයතනයට අනුයුක්ත නාවිකයන් පිරිසක් විසින් ඊයේ (5) පල්ලීකුඩා ප්‍රදේශයේදී කැස්බෑ මස් සහ බිත්තර තොගයක් සමග පුද්ගලයින් 5 දෙනෙකු අත්අඩංගුවට ගැනීමට සමත් විය.

අදින් (6) ඇරඹෙන ක්‍රීඩා හා ශරිර සුවතා ප්‍රවර්ධන සතියට සමගාමීව ශ්‍රී ලංකා නාවික හමුදාව විසින් සංවිධානය කළ විශේෂ ශරිර සුවතා වැඩසටහනක්, කොළඹ වරාය පරිශ්‍රයේදී නාවික හමුදා මාණ්ඩලික ප්‍රධානී රියර් අද්මිරාල් සිරිමෙවන් රණසිංහ මහතාගේ ප්‍රධානත්වයෙන් පවත් වන ලදී.

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ මගපෙන්වීම යටතේ නාවික හමුදාව විසින් ප්‍රජා සත්කාරක සේවාවන් රැසක් ක්‍රියාත්මක කරනු ලබන අතර,ප්‍රති ආශ්‍රැත ජල පිරිපහදු යන්ත්‍ර ස්ථාපිත කර පිරිසිදු පානීය ජලය ජනතාවට ලබා දීම එහි තවත් එක් ව්‍යාපෘතියක් වේ.

ජාතික නිදහස් දින සැමරුම් උත්සවයට සමගාමීව ශ්‍රී ලංකා නාවික හමුදාව විසින් ජාතිය වෙත පිදෙන වෙඩිමුර උත්තමාචාරය මෙවරත් නාවික හමුදා මූලස්ථානය ඉදිරිපිට පිහිටි ප්‍රදීපාගාර පරිශ්‍රයේදී පෙබරවාරි මස 04 වන දින 1200 පැයට අභිමානවත් ලෙස සිදු කෙරිණි.

කොළඹ ගාලු මුවදොර පිටියේ අද (4) උදෑසන අති උත්කර්ශවත් අයුරින් පැවැති 69 වන ජාතික නිදහස් දින සැමරුම් උත්සවය සඳහා ශ්‍රී ලංකා නාවික හමුදාවෙන් සුවිශේෂී දායකත්වයක් සැපයිණි.

ශ්‍රී ලංකා නාවික හමුදාව සතු ගැඹුරු මුහුදු ප්‍රදේශ නීරීක්ෂණය කරන නෞකාවක් වන ශ්‍රී ලංකා නාවික නෞකා සමුදුර, ඊයේ (3) සවස පකිස්ථා‍නයේ පැවැත්වෙන අමාන් අභ්‍යාසය සඳහා සහභාගී වීමට කොළඹ වරායෙන් පකිස්ථානය බලා පිටත්ව යන ලදී.