නාවික හමුදාවට ලද බුද්ධි තොරතුරකට අනුව බටහිර නාවික විධානයට අනුයුක්ත නාවිකයින් පිරිසක් සහ පෑලියගොඩ පොලිසියට අනුයුක්ත නිලධාරීන් එක්ව සිදු කරන ලද සෝදිසී කිරීමකදී පෑලියගොඩ ප්‍රදේශයේ හතරේ කණුව කළු පාලම අසලදි කේරළ ගංජා කිලෝග්‍රෑම් 11 ක් සමඟ පුද්ගලයින් දෙදෙනෙකු අද (ජුලි 5) අත්අඩංගුවට ගන්නා ලදී.

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ සංකල්පයක් මත ස්ථාපිත කරන ලද ශ්‍රී ලංකා නාවික හමුදාවේ මැරීන් බලඝණය නාවික පුද්ගලයින් සහ යුධ හමුදාවේ කොමාණ්ඩෝ සහ විශේෂ බලකායට අනුයුක්ත හමුදා පුද්ගලයින් Alligator (කිඹුලා) අභ්‍යාසය අද (ජුලි 05) සාර්ථකව නිම කරන ලදි.

දැනට කොළඹ නගරය තුළ හා අවට ඇති ඇළ මාර්ග හා කාණු පද්ධති, අපද්‍රව්‍ය හා ජලජ පැලෑටි නිසා ජලය ගලා බැස යෑමට නොහැකි ලෙස මුළුමණින්ම අවහිර වී ඇත.

නාවික හමුදාවට ලද බුද්ධි තොරතුරකට අනුව බටහිර නාවික විධානයට අනුයුක්ත නාවිකයින් පිරිසක් සහ කැලණිය පොලිසියට අනුයුක්ත නිලධාරීන් එක්ව සිදු කරන ලද සෝදිසී කිරීමකදී කැලණිය, නුන්ගම‍ගොඩ ප්‍රදේශයෙදි කේරළ ගංජා කිලෝග්‍රෑම් 03 ක් සමඟ පුද්ගලයෙකු අද (ජුලි 5) අත්අඩංගුවට ගන්නා ලදී.

රාජකීය සෞදි නාවික හමුදා ප්‍රධානී, වයිස් අද්මිරාල් අබ්දුල්ලා අල්-සුල්තාන් මහතාගෙන් ලද ඇරයුමකට අනුව සෞදි ආරාබි රාජධානියේ නිල සංචාරයක නිරතව සිටින ශ්‍රීලංකා නාවික හමුදාධිපති, වයිස් අද්මිරාල් රවින්ද්‍ර විජේගුණරත්න මහතා අද දින (ජුලි 04) රියාද්හි පිහිටි නාවික හමුදා මුලස්ථානයේදි සෞදි නාවික හමුදාධිපතිතුමන් හමුවන ලදි.

නැගෙනහිර නාවික විධානයට අයත් නිලාවේලිහි පිහිටි ශ්‍රී ලංකා නාවික නෞකා විජයබා ආයතනයට අනුයුක්ත වෙරළාරක්ෂක දෙපාර්තමේන්තුවේ ජීවීතාරක්ෂක කණ්ඩායමට අයත් නාවිකයන් පිරිසක් විසින් ඊයේ (ජුලි 03) ගෝපාල්පුරම් මුහුදු ප්‍රදේශයේදී දියේ ගිලෙමින් සිටි පුද්ගලයින් සිව් දෙනෙකු (04) බේරා ගැනීමට සමත් වී ඇත.

නැගෙනහිර නාවික විධානයට අනුයුක්ත නාවිකයන් පිරිසක් විසින් ඊයේ (03) තහනම් දැල් භාවිතා කරමින් නීති වි‍රෝධී ලෙස ධීවර කටයුතුවල නිරත වු ලාංකීක පුද්ගලයින් 18 දෙනෙකු ත්‍රිකුණාමලයට ආසන්න මුහුදු ප්‍රදේශයන්හිදි අත්අඩංගුවට ගෙන ඇත.

තලෙයිමන්නාරම - කොළඹ තැපැල් දුම්රියේ ඊයේ දින (03) රාත්‍රි 10.45 ට පමණ සැක කටයුතු අසුරණ 02 ක් (පෙට්ටි 2ක්) නිරීක්ෂණය වීමෙන් අනතුරුව උතුරු මැද නාවික විධානයට අනුයුක්ත නාවිකයින් පිරිසක් සහ වංකාලේ පොලිසියට අනුයුක්ත නිලධාරීන් එක්ව කළ සොදිසි කිරීමකදී පෙට්ටි තුළ සඟවා තිබූ කේරළ ගංජා කිලෝග්‍රෑම් 20.5 සොයා ගැනීමට හැකිවිය.

නාවික හමුදාවට ලද බුද්ධි තොරතුරකට අනුව උතුරු මැද නාවික විධානයට අනුයුක්ත නාවිකයින් පිරිසක් සහ වංකාලේ පොලිසිට අනුයුක්ත නිලධාරින් පිරිසක් එක්ව අද (ජුලි 04) උදෑසන සිදු කළ මෙහෙයුමකදි මුහුදු කූඩැල්ලන් සහ මෝර වරල් ජාවරම්හි නිරතව සිටි පුද්ගලයින් දෙදෙනෙකු (02) අත්අඩංගුවට ගැනීමට හැකි විය.

නාවික හමුදා පර්යේෂණ හා සංවර්ධන ඒකකය මගින් කැකිරාව මධ්‍ය මහා විද්‍යාලයේ ස්ථාපනය කරන ලද ප්‍රති ආශ්‍රැත ජල පිරිපහදු යන්ත්‍රය අද (3) සිසු අයිතියට පත් කරන ලදී.