ශ්‍රී ලංකා සහ එක්සත් ජනපද මැරීන් බළකා සෙබළුන්ගේ සහභාගීත්වයෙන් පැවති සහයෝගීතාවය, සූදානම සහ පුහුණුව (CARAT 2017) පිළිබඳ නාවික අභ්‍යාසය අද (ඔක්තෝබර් 06) ත්‍රිකුණාමලයේදී සාර්ථක ලෙස නිමාවට පත් විය.

කරෙයිනගර් හි පිහිටි ශ්‍රී ලංකා නාවික නෞකා එළාර ආයතනයට වසර 62 ක් සපිරීම නිමිති කර ගනිමින් නාවික හමුදාව විසින් ඊයේ (ඔක්තෝබර් 05) කරෙයිනගර් දූපත් වාසී ජනතාව වෙනුවෙන් විශේෂ ක්ෂේත්‍ර වෛද්‍ය සායනයක් සංවිධානය කොට තිබුණි.

ඊයේ (ඔක්තෝබර් 05) දිනට යෙදී තිබූ වප් පුන් පොහොය දිනය නිමිත්තෙන්, නාවික ආයතන රැසක විශේෂ බෞද්ධ ආගමික වැඩසටහන් කිහිපයක් පැවැත්විණි.

2017 ඔක්තෝමබර් 06 වන දින සිට 12 වන දින දක්වා යෙදී ඇති ජාතික ආහාර නිෂ්පාදන සංග්‍රාම සතියට සමගාමීව ඊයේ (ඔක්තෝබර් 05) මුල්ලිකුලම් හි පිහිටි ශ්‍රී ලංකා නාවික නෞකා භරණ ආයතනයේ රුක් රෝපණ වැඩසටහනක් ක්‍රියාත්මක කෙරිණි.

නාවික හමුදාවට ලද බුද්ධි තොරතුරක් මත නාවික හමුදා මුලස්ථානයට අනුයුක්ත නාවික පුද්ගලයන් පිරිසක් සහ සහකාර වනජීවි අධ්‍යක්ෂ කාර්යාලයට (බටහිර) අයත් නිලධාරීන් පිරිසක් එක්ව සිදු කළ සෝදිසි මෙහෙයුමකදී අද (ඔක්තෝබර් 05) දින ගජමුතු 08 ක් සමග පුද්ගලයින් දෙදෙනෙකු අත්අඩංගුවට ගෙන ඇත.

උතුරු නාවික විධානයට අයත් ශ්‍රී ලංකා නාවික නෞකා එඩිතර II නෞකාවට අනුයුක්ත නාවිකයින් පිරිසක් විසින් ඊයේ (ඔක්තෝබර් 04) ඩෙල්ෆ් දුපතට නාවික සැතපුම් 11.8 ක් පමණ බටහිර දෙසින් වු මුහුදු ප්‍රදේශයේදී නීති විරෝධී ලෙස ධීවර කටයුතුවල නිරත ඉන්දීය ධීවරයින් 04 ක් සහ ඔවුන්ට අයත් ට්‍රෝලර් යාත්‍රාවක් අත්අඩංගුවට ගන්නා ලදී.

සුහදත්වය වර්ධනය කිරීමේ අරමුණින් ශ්‍රී ලංකා නාවික හමුදා ක්‍රිකට් කණ්ඩායම සහ ඉන්දියානු පූනේ සිංහ සමාජ ක්‍රිකට් කණ්ඩායම අතර ඔක්තෝබර් 02 සහ 03 යන දෙදින පැවති අභියෝගතා කුසලාන 20 යි 20 ක්‍රිකට් තරඟාවලියේ ජයග්‍රහණය අත්කර ගැනීමට නාවික හමුදා කණ්ඩායම සමත් විය.

ශ්‍රී ලංකාවට අයත් මුහුදු සීමාව තුළට අනවසරයෙන් ඇතුළු වී නීති විරෝධී ලෙස ධීවර කටයුතු වල නිරත වීම හේතුවෙන් නාවික හමුදා අත්අඩංගුවට පත් තවත් ඉන්දියානු ට්‍රෝලර් යාත්‍රා 5 ක්, අළුත්වැඩියාවන් සිදු කිරීමෙන් අනතුරුව නැවත එරටට භාර දීම අද (ඔක්තෝබර් 03) සිදු කෙරිණි.

වකුගඩු රෝග නිවාරණ ජනාධිපති කාර්යය සාධන බලකාය, ශ්‍රී ලංකා නාවික හමුදාව, යුද හමුදාව සහ ශ්‍රී ලංකා රේගුව එක්ව ලබා දෙන ලද මූල්‍යමය දායකත්වය මත, නාවික හමුදා පර්යේෂණ හා සංවර්ධන ඒකකය විසින් ස්ථාපනය කරන ලද තවත් ප්‍රති ආශ්‍රැත ජල පිරිපහදු යන්ත්‍ර 15 ක් පසුගිය දින කිහිපය තුළදී ජනතා අයිතියට පත් කෙරිණි.

සහයෝගීතාවය සූදානම සහ පුහුණුව පිළිබඳව වාර්ෂිකව පවත්වනු ලබන නාවික අභ්‍යාසයට (Cooperation Afloat Readiness and Training Exercise – 2017) සහභාගී වීම සඳහා ඇමරිකා එක්සත් ජනපද නාවික හමුදාවට අයත් ලුවිස් ඇන්ඩ් ක්ලාර්ක් නෞකාව අද (ඔක්තෝබර් 02) ත්‍රිකුණාමලය වරායට සේන්දු විය.