නාවික හමුදා බුද්ධි අංශය වෙත ලද තොරතුරකට අනුව, උතුරු නාවික විධානයට අයත්, චලෙයි නාවික අනුඛණ්ඩයට අනුයුක්ත නාවිකයන් පිරිසක් විසින් සිදු කරන ලද වැටලීමකදී අද (7) චලෙයි ප්‍රදේශයේදී කේරළ ගංජා කිලෝග්‍රෑම් 24 ක් සොයැගැනීමට සමත් විය.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ සංකල්පයකට අනුව නාවික හමුදා පර්යේෂණ හා සංවර්ධන ඒකකය මගින් නිපදවන ලද තවත් ප්‍රති ආස්‍රැත ජල පිරිපහදු යන්ත්‍ර 2 ක් අද (7) අනුරාධපුර පිහිටි කොක්මාදුව සහ පුහුලේවැව යන ප්‍රදේශ වලදී විවෘත කෙරිණි.

නාවික හමුදාපති වයිස් අද්මිරාල් රවීන්ද්‍ර විජේගුණරත්න මහතාගේ සංකල්පයක් මත ශ්‍රී ලංකා නාවික හමුදාව විසින් සිදු කරමින් සිටින ප්‍රජා සත්කාර සේවාවන්හි තවත් එක් පියවරක් වශයෙන් උතුරු නාවික විධාන මූලස්ථානය මගින් සංවිධානය කළ ක්‍ෂෙත්‍ර වෛද්‍ය සායනයක් අනලතිව් දූපතේ පිහිටි අයියනාර් පෙර පාසලේ දී උතුරු නාවික විධාන භාර ආඥාපති රියර් අද්මිරාල් පියල් ද සිල්වා මහතාගේ ප්‍රධානත්වයෙන් ඊයේ (6) පවත්වන ලදී.‍

නැගෙනහිර නාවික විධානයට අයත් වාකරෙයි හි පිහිටි ශ්‍රී ලංකා නාවික නෞකා කාශ්‍යප ආයතනයට අනුයුක්ත නාවිකයින් පිරිසක් විසින් ඊයේ (6) මුහතුවාරම් මුහුදු ප්‍රදේශයේදී තහනම් දැල් භාවිතා කරමින් නීති විරෝධී ලෙස ධීවර කටයුතු වල නිරත වූ ලාංකික ධීවරයින් 9 දෙනෙකු, මසුන් ඇල්ලීම සඳහා යොදා ගත් ඩිංගි යාත්‍රා 3 ක් සහ තහනම් දැල් 3 ක් අත්අඩංගුවට ගැනීමට සමත් විය.

ධීවර බෝට්ටුවක් මගින් ඉන්දියාවට ප්‍රවාහනය කිරීමට උත්සාහ කළ රත්‍රන් කිලෝග්‍රෑම් 5 ක පමණ ප්‍රමාණයක් සමග ශ්‍රී ලාංකික පුද්ගලයින් දෙදෙනෙකු ඊයේ (6) සවස නාවික හමුදා අත්අඩංගුවට පත් විය.

නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතාගේ උපදෙස් මත සිවිල් ජනතාව වෙනුවෙන් නාවික හමුදාව විසින් සිදු කරනු ලබන ප්‍රජා සත්කාරක සේවාවන්හි එක් ව්‍යාපෘතියක් වශයෙන් වකුගඩු රෝගය පැතිරයාමේ අවදානමක් සහිත ප්‍රදේශයන්හි ජනතාව වෙනුවෙන් ප්‍රති ආස්‍රැත ජල පිරිපහදු යන්ත්‍ර ස්ථාපිත කිරීම සඳහන් කළ හැකිය.

උතුරුමැද නාවික විධානයට අයත් මන්නාරමෙහි පිහිටි ශ්‍රී ලංකා නාවික නෞකා ගජබා ආයතනයට අනුයුක්ත නාවිකයන් පිරිසක් විසින් ඊයේ (5) මාන්නාරම සවුත් බාර් ප්‍රදේශයට ඔබ්බෙන් වූ මුහුදු ප්‍රදේශයේදී නීති විරෝධී ලෙස පුපුරණ ද්‍රව්‍ය යොදා ගනිමින් ධීවර කටයුතු වල නිරත වූ පුද්ගලයන් 5 දෙනෙකු අත්අඩංගුවට ගන්නා ලදී.

උතුරු විධානය භාර ආඥාපති රියර් අද්මිරාල් පියල් ද සිල්වා මහතාගේ උපදෙස් මත වෘත්තීමය සෞඛ්‍ය හා ආරක්ෂණ වැඩසටහනක් 2016 නොවැම්බර් මස 1 සහ 2 යන දිනයන් හිදී කන්කසන්තුරෙයි පිහිටි උතුරු නාවික විධාන මුලස්ථානයේදී පවත් වන ලදි. මෙම වැඩසටහන සෞඛ්‍ය හා ආරක්ෂණය පිළිබද විශේෂඥ වෛද්‍ය සහ කම්කරු අමාත්‍යංශයේ කොමසාරිස් වරයෙකු වන වෛද්‍ය වජිර පලීපාන මහතා විසින් මෙහෙවන ලදි.

දිගු කාලයක සිට අවශ්‍යතාවයක්ව පැවැති ඩෙල්ෆ් දූපතේ නව ජැටියේ ඉදිකිරීම් උතුරු පළාත් ආණ්ඩුකාර රෙජිනෝල්ඩ් කුරේ මහතා විසින් කරන ලද ඉල්ලීමකට අනුව, නාවික හමුදාධිපති වයිස් අද්මිරාල් රවින්ද්‍ර විජේගුණරත්න මහතාගේ උපදෙස් මත නාවික හමුදා මිනිස් ශ්‍රමය සහ දැනුම යොදා ගනිමින් නව ජැටියේ ඉදිකිරීම් ඊයේ (4) උතුරු නාවික පෙදෙස භාර අඥාපති රියර් අද්මිරාල් පියල් ද සිල්වා මහතාගේ ප්‍රධානත්වයෙන් ආරම්භ කරන ලදි.

වයඹ නාවික විධානයට අයත් කල්පිටි‍යෙහි පිහිටි විජය නාවික කඳවුරට අනුයුක්ත නාවිකයන් පිරිසක් විසින් පසුගිය 3 වන දින උඩප්පුව සහ මාම්පුරි අතර මුහුදු ප්‍රදේශයේදී නීතිවිරෝධී ධීවර කටයුතු වල නිරතව සිටි ශ්‍රී ලාංකික ධීවරයින් 11 දෙනෙකු සමග ඩිංගි යාත්‍රා 4 ක් අත්අඩංගුවට ගන්නා ලදී.