කල්පිටිය, ශ්‍රී ලංකා නාවික නෞකා විජය ආයතනයට අනුයුක්ත නාවිකයින් පිරිසක් විසින්, සේත්තවාඩිය සහ උච්චමුණිය අතර මුහුදු ප්‍රදේශයේ නීති විරෝධී ධීවර කටයුතු වල යෙදී සිටි ධීවරයින් 26 දෙනෙකු සමග ඩිංගි යාත්‍රා 15ක් ඊයේ (18) උදෑසන අත්අඩංගුවට ගන්නා ලදී.

ශ්‍රී ලංකාවේ ජපන් තානාපති අතිගරු කෙනිචි සුගනුමා මහතා අද (18) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

රාජකීය නාවික හමුදාවේ හිටපු නිලධාරියෙකු වන ලුතිනන් කොමාණ්ඩර් එම් ස්කොට් මහතා සිය බිරිඳ සමග ශ්‍රී ලංකාවේ සංචාරයක නිරතවන අතරතුර අද (18) නාවික හමුදා මූලස්ථානයට පැමිණ නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

නයිජීරියානු නාවික හමුදාවේ නියෝජිතයින් තිදෙනෙක් අද (18) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

පසුගියදා ප්‍රංශයේ පැරිස් නුවරට එල්ලවූ ත්‍රස්තවාදී ප්‍රහාරයෙන් ජීවිත අහිමිවූ අහිංසක ජනතාව වෙනුවෙන් නාවික හමුදාධිපති වයිස් අද්මිරාල් රවීන්ද්‍ර වි‍ජේගුණරත්න මහතා අද (17) කොළඹ, ප්‍රංශ තානාපති කාර්යාලයේදී සිය ශෝකය ප්‍රකාශ කරන ලදී.

අධික වර්ෂාව හේතුවෙන් යාපනය කයිට්ස්, මාදගල් සහ ඉරනමඩු ප්‍රදේශයන් හි ආපදාවට ලක්වී සිටින සිවිල් වැසියන් හට ශ්‍රී ලංකා නාවික නෞකා උත්තර, කංචදේව සහ අග්බෝ යන ආයතනවල නාවිකයින් විසින් පහසුකම් සැලසීය.

ධීවර හා ජලජ සම්පත් දෙපාර්තමේන්තුව කළ දැනුම් දීමකට අනුව ක්ෂණිකව ක්‍රියාත්මක වූ නාවික හමුදාව අද (16) දහවල් ත්‍රිකුණාමලයේ සිට නාවික සැතපුම් 65ක පමණ දුරින් තිබූ “ඕෂානි 1” නැමති ධීවර යාත්‍රාවේ සිටි රෝගියෙකු බේරා ගැනීම සඳහා නාවික යාත්‍රාවක් පිටත් කර හැරීමට කටයුතු කරනු ලැබීය.

පූනරින් ප්‍රාදේශීය ලේකම් කාර්යාලය සහ නච්චිකුඩා පොලීසිය විසින් සිදු කරන ලද ඉල්ලීමකට අනුව ශ්‍රී ලංකා නාවික නෞකා බුවනෙක ආයතනයට අනුයුක්ත නාවික පුද්ගලයන් සහ ශ්‍රී ලංකා නාවික නෞකා‍ පණ්ඩුකාභය ආයතනයේ ක්ෂණික මුදවා ගැනීමේ හා සහන බලඝනයේ නාවික පුද්ගලයන් විසින් 2015 නොවැම්බර් මස 15 සහ 16 යන දිනයන්හිදී අයහපත් කාලගුණික තත්ව‍ය හේතුවෙන් ජලයෙන් යටවී තිබූ යාපනය-මන්නාරම (A32) ප්‍රධාන මාර්ගයේ මන්දගල් ආරු පාලමෙන් සිවිල් වැසියන් එගොඩ කිරීම සඳහා සහාය විය.

ආරක්ෂක ලේකම් කරුණාසේන හෙට්ටිආරච්චි මහතා අද (16) නාවික හමුදා මූලස්ථානයේ සංචාරයක නිරතවිය.

ශ්‍රී ලංකා නාවික නෞකා වළගම්බා ආයතනයට අනුයුක්ත නාවිකයන් පිරිසක් විසින් ඊයේ (14) තිරියාය, කට්ටකුලම් ප්‍රදේශයේදී ගංවතුරින් විපතට පත් පුද්ගලයන් 5 දෙනෙකු බේරා ගැනීමට සමත් විය.