ශ්‍රී ලංකා නාවික හමුදාව තෙවනවරටත් ශ්‍රී ලංකා මෝටර් රථ සහ යතුරුපැදි ධාවකයින්ගේ සංගමය හා එක්ව සංවිධානය කරනු ලැබූ ‘කලම්බු සුපර් ක්‍රොස් - 2019’ තරඟාවලිය 2019 දෙසැම්බර් මස 01 වන දින වැලිසර පිහිටි නාවික හමුදා මෝටර් රථ ධාවන පථයේදී සාර්ථක අයුරින් නිමාවට පත්විය.

නාවික හමුදාව විසින් අද (2019 දෙසැම්බර් 02) අළුයම තුනුක්කායි ප්‍රදේශයේ ඉලුප්පුකඩවායි, සිප්පිආරු වෙරළ තීරයේ සිදු කළ සෝදිසි කිරීමකදී බීඩිකොළ කිලෝග්‍රෑම් 297.7 සොයා ගැනීමට සමත්ව ඇත.

2019 වර්ෂය සඳහා වු ශ්‍රී ලංකා නාවික හමුදා අන්තර් විධාන පැසිපන්දු තරඟාවලිය 2019 නොවැම්බර් 25 වන දින සිට දෙසැම්බර් 01 වන දින දක්වා ශ්‍රී ලංකා නාවික නෞකා ‘ගැමුණු’ ආයතනයේදී පවත්වන ලද අතර, තරඟාවලියේ ත්‍යාග ප්‍රධානෝත්සවයේ ප්‍රධාන ආරාධිත අමුත්තා වශයෙන් නාවික හමුදාධිපති, වයිස් අද්මිරාල් පියල් ද සිල්වා සහභාගිවී සිටියහ.

නාවික හමුදාව සහ පොලිසිය එක්ව 2019 දෙසැම්බර් මස 01 වන දින යාපනය නගරය ආශ්‍රිත ප්‍රදේශයේදී මත්ද්‍රව්‍ය ජාවාරම්කරුවෙකු සමඟ කේරළ ගංජා කිලෝග්‍රෑම් 04.210 ක් අත්අඩංගුවට ගැනීමට සමත්ව ඇත.

එක්සත් ජාතීන්ගේ මත්ද්‍රව්‍ය සහ අපරාධ පිළිබඳ ආයතනයේ පාර්ශවකරුවන් වෙනුවෙන් ශ්‍රී ලංකා නාවික හමුදාව විසින් පැවැත් වූ නෞකා හා යාත්‍රාවලට ප්‍රවිශ්ඨ වීමත්, ඒවා සෝදිසි කිරීමේ ක්‍රියාපටිපාටීන් හා ක්‍රමෝපායන් පිළිබඳ පාඨමාලාවේ සහතිකපත් ප්‍රදානෝත්සවය 2019 නොවැම්බර් 30 වන දින ත්‍රිකුණාමලය, අද්මිරාල් වසන්ත කරන්නාගොඩ ශ්‍රවණාගාරයේදී පැවැත්විණි

දකුණු පළාත් කෘෂිකර්ම අමාත්‍යංශය හා ත්‍රිවිධ හමුදාව එක්ව වාර්ෂිකව සංවිධානය කරනු ලබන ‘රුහුණු රස සරණිය’ ආහාර ප්‍රදර්ශනය මෙවරත් 2019 නොවැම්බර් 29 සහ 30 යන දෙදින පුරා ගාල්ල නගර ශාලා භූමියේදී පවත්වන ලදී.