පාකිස්ථානයේ ජාතික ගුවන් විදුලි හා විදුලි සංදේශ සංස්ථාවේ (National Radio and Telecommunication Corporation - NRTC) නියෝජිත පිරිසක් අද (2025 ඔක්තෝබර් 09) නාවික හමුදා මුලස්ථානයේදී විශේෂ හමුවක් සඳහා නාවික හමුදාධිපති වයිස් අද්මිරාල් කාන්චන බානගොඩ හමු විය.

නාවික හමුදා දියත් විධානයේ, නැගෙනහිර නාවික විධානයේ සහ පුහුණුවන නිලධාරීන්ගේ වෘත්තීය දැනුම වර්ධනය කිරීම වෙනුවෙන් නැගෙනහිර නාවික විධානයේ ආඥාපති රියර් අද්මිරාල් රවින්ද්‍ර තිසේරාගේ අධීක්‍ෂණයෙන්, ‍2025 ඔක්තෝබර් මස 04 සහ 05 දෙදින විශේෂ වැඩසටහනක්, ත්‍රිකුණාමලය නාවික හා සාගරික විද්‍යාපීඨයේදී පැවැත්වුණු අතර, එහි ආරාධිත දේශනය අද්මිරාල් ට්‍රැවිස් සින්නයියා (විශ්‍රාමික) විසින් “සමුද්‍රීය සංග්‍රාම” (Littoral Warfare) යන තේමාව යටතේ සිදුකෙරිණි.

යාපනය, නයිනතිව් දූපතේ පිහිටි ඓතිහාසික නාගදීප පුරාණ රජ මහා විහාරස්ථානයේ වාර්ෂික කඨින පුණ්‍ය මහෝත්සවය 2025 ඔක්තෝබර් මස 10 සහ 11 දෙදින ශ්‍රී ලංකා නාවික හමුදාවේ බැතිබර දායකත්වයෙන් සාර්ථකව පැවැත්වීමට කටයුතු කෙරිණි.

නාවික හමුදා මාධ්‍ය අධ්‍යක්‍ෂ කාර්යාලය මඟින් ප්‍රකාශයට පත්කරනු ලබන ‘සයුරුසර’ සඟරාවේ 49 වන කලාපය වෙත නිර්මාණාත්මක පද්‍ය, සිතුවම් සහ ඡායාරූප ඉදිරිපත් කර ජයග්‍රහන හිමිකරගත් නාවික හමුදා පුද්ගලයන් සහ නාවික පවුල්වල සාමාජිකයන් වෙනුවෙන් පිරිනමනු ලබන ත්‍යාග සඳහා තේරීපත්වූ නිර්මාණ ඉදිරිපත් කල ජයග්‍රාහකයන්ගේ දක්‍ෂතා අගයමින් ඔවුන් වෙත නාවික හමුදාධිපති වයිස් අද්මිරාල් කාන්චන බානගොඩ විසින් මූල්‍ය ත්‍යාග පිරිනැමීම, අද (2025 ඔක්තෝබර් 08) නාවික හමුදා මූලස්ථානයේදී සිදු කෙරිණි.

ආරක්‍ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික) ඊයේ (ඔක්තෝබර් 07) දින කොළඹ ශ්‍රී ලංකා නාවික හමුදා මූලස්ථානයේ නිල සංචාරයක නිරත විය.

නිති විරෝධී ධීවර කටයුතු හේතුවෙන් සමුද්‍රීය පරිසරයට සිදුවන අහිතකර බලපෑම සහ මුහුදු මාර්ග ඔස්සේ සිදුවන ජාවාරම් පිළිබඳව වයඹ පළාතේ ධීවර ප්‍රජාව දැනුවත් කිරීමේ විශේෂ වැඩසටහනක්, වයඹ නාවික විධානයේ ආඥාපතිගේ ප්‍රධානත්වයෙන් සහ පළාතේ පරිසරවේදීන්, නීතිය ක්‍රියාත්මක කරනු ලබන ආයතනයන්ගේ සහ වයඹ පළාත් ධීවර සංගම් නියෝජිතයින්ගේ සහභාගීත්වයෙන්, 2025 ඔක්තෝබර් මස 02 වැනි දින වයඹ නාවික විධාන මූලස්ථානයේදී පැවැත්විණි.

නැගෙනහිර පළාත ආශ්‍රීතව සමුද්‍රීය හා වෙරළ ආශ්‍රිතව පවත්නා ගැටළු සඳහා ඒකාබද්ධ ප්‍රවේශයකින් විසදුම් සෙවීම‍ට අවශ්‍ය ඉදිරි පියවර පිළිබඳ අදහස් හුවමාරු කර ගැනීමේ විශේෂ සාකච්ඡාවක්, නැගෙනහිර නාවික විධානයේ ආඥාපතිගේ ප්‍රධානත්වයෙන් සහ නැගෙනහිර පළාතේ රාජ්‍ය ආයතන ප්‍රධානීන් ‍ගේ සහභාගීත්වයෙන් 2025 ඔක්තෝබර් මස 02 වැනි දින, ත්‍රීකුණාමලය නාවික තටාකාංගනයේදී සාර්ථකව පැවැත්විණි.

ශ්‍රී ලංකා නාවික හමුදාවේ වසර 33 කට ආසන්න සේවා කාලයක් නිම කරමින් රියර් අද්මිරාල් රාජප්‍රිය සේරසිංහ අද (2025 ඔක්තෝබර් 07) නාවික හමුදා සේවයෙන් විශ්‍රාම ලැබීය.

2025 දෙසැම්බර් මස 09 වන දිනට යෙදී තිබෙන ශ්‍රී ලංකා නාවික හමුදාවේ අභිමානවත් 75 වන සංවත්සරය නිමිත්තෙන්, ඔක්තෝබර් මස 05 සිට දෙසැම්බර් 26 දක්වා කාල සීමාව තුල විශේෂ වැඩසටහන් මාලාවක් පැවැත්වීමට නාවික හමුදාව විසින් කටයුතු සංවිධානය කර ඇති අතර, එම වැඩසටහන් මාලාව ආරම්භ කරමින්, ත්‍රිවිධ හමුදා වෛද්‍ය විද්‍යාර්ථීන්ගේ සංගමයේ මූලිකත්වයෙන්, නාවික හමුදා වෛද්‍ය හා දන්ත වෛද්‍ය දෙපාර්තමේන්තු හා එක්ව සංවිධානය කළ, විශේෂ ජංගම වෛද්‍ය හා දන්ත වෛද්‍ය සායනයක් අද (2025 ඔක්තෝබර් 05) මන්නාරම පේසාලේදී සාර්ථකව පැවැත්වීමට කටයුතු කෙරිණි.

සැපයුම් හා සේවා අවශ්‍යතා සපුරා ගැනීම වෙනුවෙන් දිවයිනට පැමිණි, ඇමෙරිකා එක්සත් ජනපද නාවික හමුදාවට අයත් ‘USS FITZGERALD’ (DDG 62) නෞකාව, 2025 ඔක්තෝබර් මස 04 වැනි දින දිවයිනෙන් පිටත් වූ අතර, ශ්‍රී ලංකා නාවික හමුදාව විසින් එම නෞකාව වෙත නාවික හමුදා සම්ප්‍රදායානුකුලව සමුදීම කොළඹ වරායේදී සිදු කෙරිණි.