සුහද සංචාරයක් සඳහා ඊයේ (ඔක්තෝබර් 19) කොළඹ වරායට සේන්දු වූ ඉන්දුනීසියානු නාවික නෞකා ක්‍රී බන්ග් ටෝමෝ නෞකාවේ කාර්යය මණ්ඩලය සහ ශ්‍රී ලංකා නාවික හමුදා අත්පන්දු ක්‍රීඩා කණ්ඩායම අතර සුහද තරඟයක් පවත්වන ලදී.

කොළඹ ජාත්‍යන්තර නාවික හා ඉංජිනේරු පාසල (CINEC Campus) මගින් සංවිධානය කරන ලද සැපයුම් හා සේවා දින (Logistics day 2017) උත්සවය සඳහා ප්‍රධාන ආරාධිත අමුත්තා වශයෙන් නාවික හමුදාධිපති, වයිස් අද්මිරාල් ට්‍රැවිස් සින්නයියා මහතා අද (ඔක්තෝබර් 19) සහභාගී විය.

ඉන්දුනීසියානු නාවික හමුදාවට අයත් ක්‍රී බන්ග් ටෝමෝ නෞකාව අද (ඔක්තෝබර් 19) සුහද සංචාරයක් සඳහා කොළඹ වරායට ‍සේන්දු විය.

අතිගරු ජනාධිපතිතුමන්ගේ මගපෙන්වීම යටතේ පරිසර අමාත්‍යංශයේ ‘හරිත රටක් පිරිසිදු පරිසරයක්’ යන දැක්ම පෙරදැරිව, ශ්‍රී ලංකා වන ජීවී පර්යේෂණ හා සංරක්ෂණ භාරයේ පූර්ණ මෙහෙයවීම යටතේ උතුර සහ නැගෙනහිර නාවික විධානයන්ට අනුයුක්ත කිමිදුම් අංශයේ නාවික පුද්ගලයින් විසින් ත්‍රිකුණාමලය කොරල් කෝව් සහ යාපනය චාට් වෙරළ තීරයේදී කොරල්පර නැවත වගා කිරීමේ වැඩසටහනක් ක්‍රියාත්මක කරන ලදී.

හෙට (ඔක්තෝබර් 18) දිනට යෙදී තිබෙන දීපවාලී උත්සවයට සමගාමීව ගාල්ල දක්ෂිණ නාවික පෙ‍ර පාසලේ දරු දැරියන් විසින් අද දින අලංකාරවත් දීපවාලී උත්සවයක් සංවිධානය කර තිබිණි.

බිංගිරිය, ශ්‍රී සරණංකර ජාතික පාසලට වසර 85 ක් සපිරීම නිමිති කර ගනිමින් එම විද්‍යාලීය පරිශ්‍රයේදී පැවැත්වෙන සරණංකරාභිමානී 2017 අධ්‍යාපනික, වෙළඳ ප්‍රදර්ශණය සහ සැණකෙළියේ නාවික හමුදා ප්‍රදර්ශණ කුටියක් ස්ථාපිත කොට ඇත.

පසුගිය දිනයන්හිදී, නීති විරෝධී ක්‍රියාවන් වල නිරත පුද්ගලයින් 14 දෙනෙකු නාවික හමුදාව විසින් අත්අඩංගුවට ගෙන ඇත. විවිධ ප්‍රදේශයන් වලදී අත්අඩංගුවට ගත් එම පුද්ගලයින් නීති විරෝධී ලෙස දැව ලඟ තබා ගැනීම, කෙරළ ගංජා ප්‍රවාහනය කිරීම සහ නීති විරෝධී ලෙස ධීවර කටයුතු වල නිරත වීම යනාදී හේතූන් මත මෙලෙස අත්අඩංගුවට පත් වී ඇත.

මතින් තොර රටක් ගොඩනැගීමේ අරමුණින් අතිගරු ජනාධිපති මෛත්‍රිපාල සිරිසේන මැතිතුමා විසින් පත් කර ඇති ඒකාබද්ධ මත්ද්‍රව්‍ය නිවාරණ වැඩසටහන සමඟ අත්වැල් බැද ගනිමින් නාවික හමුදාව නීති විරෝධී මත් ද්‍රව්‍ය වැටලීමේ මහත් සමාජ මෙහෙවරක් ඉටු කරමින් සිටියි.

ඉතා අසීරු කිමිදුම් පාඨමාලාවක් වන නිශ්කාෂණ කිමිදුම් පාඨමාලාව සාර්ථක ලෙස හැදෑරූ නාවික නිලධාරීන් 8 දෙනෙකු ඊයේ (ඔක්තෝබර් 13) විසිර යන ලදී.

ශ්‍රී ලංකාවට අයත් මුහුදු සීමාව තුළට අනවසරයෙන් ඇතුළු වී නීති විරෝධී ලෙස ධීවර කටයුතු වල නිරත වීම හේතුවෙන් නාවික හමුදා අත්අඩංගුවට පත් තවත් ඉන්දියානු ට්‍රෝලර් යාත්‍රා 6 ක්, අළුත් වැඩියාවන් සිදු කිරීමෙන් අනතුරුව නැවත එරටට භාර දීම ඊයේ (ඔක්තෝබර් 13) සිදු කෙරිණි.