ශ්‍රී ලංකා නාවික හමුදාවේ වසර 33 කට අධික සේවය නිමා කරමින් රියර් අද්මිරාල් ජානක නිස්සංක අද දින (2023 ජුනි 21) නාවික හමුදා සේවයෙන් විශ්‍රාම යන ලදී.

ප්‍රංශ නාවික හමුදාවට අයත් ‘Dupuy de Lôme’ නෞකාව නිල සංචාරයක් සඳහා අද දින (2023 ජුනි 21) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

2023 ජුනි මස 18 වන දින තෙදින නිල සංචාරයක් සඳහා දිවයිනට පැමිණි පාකිස්ථානු නාවික හමුදාවට අයත් ‘PNS TIPPU SULTAN’ නෞකාව නිල සංචාරය සාර්ථකව අවසන් කරමින්, ශ්‍රී ලංකා නාවික නෞකා ගජබාහු නෞකාව සමඟ පැවති ඒකාබද්ධ නාවික අභ්‍යාසයකින් පසුව, අද දින (2023 ජුනි 20) දිවයිනෙන් පිටත්ව යන ලද අතර, එම නෞකාව වෙත නාවික හමුදා සම්ප්‍රදායානුකූලව සමුදීම කොළඹ වරායේදී සිදු කෙරිණි.

යාපනය සිට සෙල්ල කතරගම දේවාලය දක්වා වාර්ෂිකව සිදු කෙරෙන පාද යාත්‍රාව සඳහා සහභාගි වන බැතිමතුන් හට කුමන ජාතික වන උද්‍යානයේ පිවිසුම් දොරටුවේ සිට කුඹුක්කන් ඔය දක්වා වූ ගමන් මාර්ගයේදී අවශ්‍ය පහසුකම් සැලසීම ශ්‍රී ලංකා නාවික හමුදාව විසින් 2023 ජුනි මස 10 වන දින ආරම්භ කෙරිණි. නාවික හමුදාධිපති, වයිස් අද්මිරාල් ප්‍රියන්ත පෙරේරා බැතිමතුන් වෙනුවෙන් නාවික හමුදාව විසින් සපයනු ලබන සේවාවන් සහ පහසුකම් 2023 ජුනි මස 15 වන දින නිරීක්ෂණය කිරීමෙන් අනතුරුව, කතරගම දක්වා පාද යාත්‍රාවට සහභාගී විය.

කොළඹ ජාතික ආරක්ෂක විද්‍යායතනයේ නව ආඥාපති, මේජර් ජෙනරල් සෙනරත් යාපා (විශ්‍රාමික) අද දින (2023 ජුනි 19) නාවික හමුදා මූලස්ථානයේදී, නාවික හමුදාධිපති වයිස් අද්මිරාල් ප්‍රියන්ත පෙරේරා හමුවිය.

රියර් අද්මිරාල් කාංචන බානගොඩ උතුරු මැද නාවික විධානයේ අභිනව ආඥාපති වශයෙන් අද දින (2023 ජුනි 19) එම විධාන මූලස්ථානයේදී වැඩ භාර ගන්නා ලදී.

ඉන්දීය නාවික හමුදාවට අයත් ‘INS Vagir’ සබ්මැරීනය නිල සංචාරයක් සඳහා අද දින (2023 ජුනි 19) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම සබ්මැරීනය නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

පාකිස්ථානු නාවික හමුදාවට අයත් ‘PNS TIPPU SULTAN’ නෞකාව නිල සංචාරයක් සඳහා අද දින (2023 ජුනි 18) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

ශ්‍රී ලංකා නිත්‍ය හා ස්වේච්ඡා නාවික හමුදාවේ 251 වන බඳවා ගැනීමට අයත් නිත්‍ය ආධුනික නාවිකයින් දෙසිය හැත්තෑ අට දෙනෙකු (278) සහ ස්වේච්ඡා ආධුනික නාවිකයන් පනස් දෙදෙනෙකු (52) ඇතුළු ආධුනික නාවිකයින් තුන්සිය තිස් දෙනෙකු (330) සිය මුලික පුහුණුව සාර්ථකව අවසන් කර 2023 ජුනි මස 17 වන දින බූස්ස, ශ්‍රී ලංකා නාවික නෞකා නිපුණ ආයතනයේ ප්‍රධාන සරඹ පිටියේ දී විසිර යන ලදී.

රියර් අද්මිරාල් නලීන් නවරත්න ගිණිකොන නාවික විධානයේ අභිනව ආඥාපති වශයෙන් 2023 ජුනි මස 16 වන දින එම විධාන මූලස්ථානයේදී වැඩ භාර ගන්නා ලදී.