ශ්‍රී ලංකා නාවික හමුදාව සතු වේග ප්‍රහාරක මුර යාත්‍රාවක් වන ශ්‍රී ලංකා නාවික නෞකා ‘රණධීර’ නෞකාව 2019 ජුනි 22 වන දින සිය අභිමානවත් 23 වන සංවත්සරය සමරන ලදී.

ත්‍රිකුණාමලය, නාවික හා සාගරික විද්‍යාපීඨයේ පුහුණුව නිම කළ මධ්‍ය නිලධාරින් 89 දෙනෙකු අද (ජුනි 22) අධිකාරියට පත් කරන ලදී.

ශ්‍රී ලංකා නාවික හමුදාවේ 4 වන වේග ප්‍රහාරක යාත්‍රා බළඝනය අද (ජුනි 22) ශ්‍රී ලංකා ප්‍රජාතාන්ත්‍රික සමාජවාදී ජනරජයේ අතිගරු ජනාධිපති, මෛත්‍රිපාල සිරිසේන මැතිතුමාගේ ප්‍රධානත්වයෙන් “4 වන වේග ප්‍රහාරක යාත්‍රා සමූහය” ලෙස අධිකාරියට පත් කිරීම සහ ජනාධිපති වර්ණ පිරිනැමිම සිදු කෙරුණි.

නාවික හමුදා පුද්ගලයින් පිරිසක් විසින් අද (ජුනි 22) උදෑසන ත්‍රිකුණාමලය, මලේයිමුණ්ඩාල ප්‍රදේශයට ඔබ්බෙන් වූ මුහුදු ප්‍රදේශයේදී නීති විරෝධි ලෙස ධීවර කටයුතුවල නිරත වූ පුද්ගලයින් 24 දෙනෙකු අත්අඩංගුවට ගෙන ඇත.

නාවික හමුදා පුද්ගලයින් පිරිසක් විසින් 2019 ජුනි 20 වන දින ත්‍රිකුණාමලය, උප්පාරු ප්‍රදේශයේ සිදු කළ සෝදිසි කිරීමකදි සඟවා තිබූ වෝටර්ජේල් කූරු කිහිපයක් සොයා ගැනීමට සමත් වී ඇත.

නාවික හමුදා පුද්ගලයින් පිරිසක් විසින් අද (ජුනි 21) උල්ලක්කාලෙයි කළපු ප්‍රදේශයේදී අඩි 40 ක් දිගැති තහනම් ධීවර දැල් 24 සොයා ගැනීමට සමත්ව ඇත.

නාවික හමුදාධිපති, වයිස් අද්මිරාල් පියල් ද සිල්වා ගේ නිර්මාණශීලි සංකල්පයක් මත ගොඩනැගුණු “නීල හරිත සංග්‍රාමය” ලෙස නම් කරන ලද පරිසර සංරක්‍ෂණ නියමු ව්‍යාපෘතිය ක්‍රියාවට නැංවිම සඳහා ත්‍රිකුණාමලය නාවික තඨාකාංගණය ‘නීල හරිත පාරාදීසයක්’ ලෙස අද (ජුනි 21) නාවික තඨාකාංගණයේදී නාවික හමුදාධිපතිතුමා විසින් ඵලකයක් නිරාවණය කර ප්‍රකාශයට පත් කරන ලදී.

2019 ජුනි 21 වන දිනට යෙදෙන ලෝක ජල මානක දිනයට සමගාමිව ශ්‍රී ලංකා නාවික හමුදා ජල මානක විද්‍යා අංශය විසින් නාවික හමුදා නිලධාරින් දැනුවත් කිරීමේ වැඩසටහනක් නාවික හමුදාධිපති, වයිස් අද්මිරාල් පියල් ද සිල්වා ගේ ප්‍රදානත්වයෙන් අද (ජුනි 20) කොළඹදී පැවැත්විණි.

සුහද සංචාරයක් සඳහා 2019 ජුනි 18 වන දින කොළඹ වරායට සේන්දු වූ ඉන්දියානු නාවික හමුදාවට අයත් ‘රණ්වීර්’ නෞකාව අද (ජුනි 20) සිය නිල සංචාරය සාර්ථක ලෙස නිමා කරමින් කොළඹ වරායෙන් පිටත් විය.

නාවික හමුදා පුද්ගලයින් පිරිසක් විසින් අද (ජුනි 20) මඩකළපුව, කළපු ප්‍රදේශයෙදී අඩි 100 දිගැති තහනම් ධීවර දැල් 24 සොයා ගැනීමට සමත්ව ඇත.