නැගෙනහිර නාවික විධානයට අයත්, මුලතිව් පිහිටි ශ්‍රී ලංකා නාවික නෞකා ගෝඨාභය ආයතනයට අනුයුක්ත නාවිකයන් පිරිසක් විසින් පෙරේදා (25) කොක්කුතුඩුවායි මුහුදු ප්‍රදේශය අශ්‍රිතව නීති විරෝධී ක්‍රම යොදා ගනිමින් ධීවර කටයුතුවල නිරතව සිටි ලාංකික ධීවරයින් දෙදෙනෙකු සහ ධීවර කටයුතු සඳහා යොදාගත් ඩිංගි යාත්‍රා 2ක්, අත්අඩංගුවට ගන්නා ලදී.

උතුරු නාවික විධානයට අයත්, මන්ඩතිව් හි පිහිටි ශ්‍රී ලංකා නාවික නෞකා වේළුසුමන ආයතනයට අනුයුක්ත නාවිකයන් පිරිසක් විසින් ඊයේ (24) පලෙයිකුඩා මුහුදු තී‍රයේ බලපත්‍ර රහිතව මුහුදු කූඩැල්ලන් අල්ලමින් සිටි ලාංකික ධීවරයින් 5 දෙනෙකු අත්අඩංගුවට ගැනීමට සමත් විය.

2016 නව වන ආරක්ෂක සේවා තරඟාවලියේ ජයග්‍රහන රැසක් අත්කර ගැනීමට නාවික හමුදාව මේ වන විට සමත් වී ඇත.

උතුරු නාවික විධානයට අයත් වෙරළබඩ මුර යාත්‍රාවකට අනුයුක්ත නාවිකයින් පිරිසක් විසින් ඊයේ (23) එන්ජිම ක්‍රියා විරහිත වීම හේතුවෙන් ශ්‍රී ලංකාවට අයත් මුහුදු තීරයේ පාවෙමින් තිබූ ඉන්දීය ධීවර යාත්‍රාවක සිටි ධීවරයින් 5 දෙනෙකු බේරා ගැනීමට සමත් විය.

යාපනය, මාදගල් හි පිහිටි නුනසායි විද්‍යාලයේ දරු දැරියන්ගේ අධ්‍යාපන කටයුතු සාර්ථක කරළීම සඳහා නාවික හමුදාව විසින් අභිනවයෙන් ඉදිකළ ගෘහ විද්‍යාගාර ගොඩනැගිල්ල සිසු අයිතියට පත් කිරීමේ උත්සවය ඊයේ (22) උතුරු නාවික විධාන අඥාපති රියර් අද්මිරාල් පියල් ද සිල්වා මහතාගේ ප්‍රධානත්වයෙන් එම පාසල්භූමියේදී ඉතා උත්කර්ශවත් අයුරින් පැවැත්විණි.

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ මගපෙන්වීම යටතේ නාවික හමුදාවේ සහ වෙරළාරක්ෂක දොපාර්තමේන්තුවේ පුද්ගලයන් එක්ව ජුනි මස 16 වන දින සිට 20 වන දින දක්වා අනුරාධපුරය ප්‍රධාන වැව් ආශ්‍රිතව විශේෂ ජීවිතාරක්ෂක කණ්ඩායම් කීපයක් ‍යෙදවීමට කටයුතු කරන ලදී.

කතරගම පූජා භූමිය වන්දනා කිරීම සඳහා යාපනයේ සිට පාද යාත්‍රාවේ යෙදෙන බැතිමතුන් කෙට් විවේකයක් ලබා ගත් අවස්ථාවේදී ඔවුන්ට ආගන්තුක සත්කාර සිදු කිරීමට ගිණිකොන නාවික විධානය භාර ආඥාපති, කොමදෝරු සුමිත් වීරසිංහ මහතාගේ මගපෙන්වීම යටතේ පානම, ශ්‍රී ලංකා නාවික නෞකා මහානාග ආයතනයට අනුයුක්ත නාවික පුද්ගලයන් පිරිසක් ඊයේ (21) කටයුතු කරන ලදී.

ශ්‍රී ලංකා නාවික හමුදාව සහ ධීවර හා ජලජ සම්පත් දෙපාර්තමේන්තුව එක්ව චන්ද්‍රිකා තාක්ෂණය මත පදනම් වූ යාත්‍රා නිරීක්ෂණ පද්ධතියක් ආශ්‍රයෙන් දත්ත ලබා ගැනීම (Vessel Monitoring System - VMS) පිළිබදව අවබෝධතා ගිවිසුම සහ ජාතික ජල මානක හා නාවික සිතියම්ගත කිරීමේ අබබෝධතා ගිවිසුම ඊයේ (21) ධීවර හා ජලජ සම්පත් අමාත්‍යංශයේදී අත්සන් කරන ලදී.

පසුගිය 19 වන දින සුහද සංචාරයක් සඳහා මෙරටට පැමිණි ඕස්ට්‍රේලියානු රාජකීය නාවික හමුදාවට අයත් පර්ත් නෞකාවේ අණදෙන නිලධාරී, කපිතාන් ඉවාන් ඉන්ගම් මහතා අද (21) නාවික හමුදා මුලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.

සුහද සංචාරයක් සඳහා පසුගිය 19 වන දින මෙරටට පැමිණි ඕස්ට්‍රේලියානු රාජකීය නාවික හමුදා පර්ත් නෞකාවේදී උණුසුම් පිළිගැනීමේ උත්සවයක් ඊයේ (20) සන්ධ්‍යාවේ සංවිධානය කර තිබිණි.