ක්ලීන් ශ්‍රී ලංකා ජාතික වැඩසටහන යටතේ දිවයින වටා වෙරළ තීරය පවිත්‍ර කිරීමේ අරමුණෙන් රජය විසින් ක්‍රියාත්මක කරනු ලබන “පිරිසිදු වෙරළ තීරයක් - ආකර්ෂණීය සංචාරක ගමනාන්තයක්” ව්‍යාපෘතියට සමඟාමීව 2025 අප්‍රේල් මස 19 වැනි දින සහ 26 වැනි දින දකුණු පළාත තුළ සිදුකරන ලද වෙරළ පවිත්‍රතා වැඩසටහන් සඳහා නාවික හමුදාවේ පූර්ණ දායකත්වය ලබාදීම සිදු කෙරිණි.

සිංහල හා දෙමළ අළුත් අවුරුද්ද වෙ‍නුවෙන් බටහිර නාවික විධානයේ ආඥාපතිගේ උපදෙස් මත එම විධානය විසින් සංවිධානය කල ‘වසන්ත උදානය - 2025’ විචිත්‍රවත් බක්මහ උළෙල 2025 අප්‍රේල් මස 27 වැනි දින මාණ්ඩලික ප්‍රධානීගේ ප්‍රධානත්වයෙන් ශ්‍රී ලංකා නාවික ‍නෞකා ගැමුණු ආයතනයේදී උත්කර්ශවත් අයුරින් පැවැත්විණි.

දළදා වන්දනාවෙන් පසු වන්දනාව සඳහා පැමිණි බැතිමතුන් විසින් නුවර වැව පරිශ්‍රයට බැහැර කරන ලද ප්ලාස්ටික් ඝන අපද්‍රව්‍ය සහ කැළිකසළ ඉවත් කර දෙස් විදෙස් සංචාරකයන්ගේ ආකර්ෂණීය පරිසරයක් බවට පත් කිරීමේ අරමුණෙන් 2025 අප්‍රේල් මස 28 වැනි දින ක්ලීන් ශ්‍රී ලංකා ලේකම් කාර්යාලය විසින් සංවිධානය කරන ලද නුවර වැව පිරිසිදු කිරීමේ වැඩසටහන සඳහා නාවික හමුදාවේ සහය ලබා දිමට කටයුතු කෙරිණි.

‘IMDEX Asia – 2025’ අන්තර් ජාතික සමුද්‍රීය ආරක්‍ෂණ ප්‍රදර්ශනය සහ 09 වැනි අන්තර්ජාතික සමුද්‍රීය ආරක්‍ෂාව පිළිබඳ සමුළුව සඳහා සහභාගීවීම‍ට ශ්‍රී ලංකා නාවික හමුදාව නියෝජනය කරමින්, ශ්‍රී ලංකා නාවික නෞකා සමුදුර නෞකාව 2025 අප්‍රේල් මස 27 වැනි දින උදෑසන සිංගප්පූරුවේ චැංගි (Changi) වරාය වෙත පිටත් විම සඳහා නාවික හමුදා සම්ප්‍රදායානුකූලව කොළඹ වරායෙන් පිටත් වීම සිදුකෙරිණි.

කොළඹ 05, ජාවත්ත සුසාන භූමියේ 2025 අප්‍රේල් මස 25 වැනි දින පැවති වාර්ෂික ඕස්ට්‍රේලියානු හා නවසිලන්ත ජාතික අනුස්මරණ දින සැමරුම් උත්සවය සඳහා නාවික හමුදා මාණ්ඩලික ප්‍රධානි සහභාගි විය.

නිල සංචාරයක් සඳහා 2025 අප්‍රේල් මස 22 වැනි දින දිවයිනට පැමිණි කොරියානු ජනරජ නාවික හමුදාවට අයත් ‘KANG GAM CHAN’යුද නෞකාව 2025 අප්‍රේල් 24 වැනි දින දිවයිනෙන් පිටත්ව යන ලද අතර, එම නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම, කොළඹ වරායේදී සිදු කෙරිණි.

‍මහනුවර “සිරි දළදා වන්දනාව”‍‍‍ සඳහා සම්බන්ධවන දහස් සංඛ්‍යාත බැතිමතුන්ගේ ආරක්‍ෂාව සහ සුභසාධන කටයුතු සම්බන්ධයෙන් සොයා බැලීමේ අධීක්‍ෂණ සංචාරයක් සඳහා 2025 අප්‍රේල් මස 23 වැනි දින නාවික හමුදාධිපති සහභාගී විය.

කොරියානු ජනරජ නාවික හමුදාවට අයත් ‘KANG GAM CHAN’ නෞකාව නිළ සංචාරයක් සඳහා අද (2025 අප්‍රේල් 22) උදෑසන කොළඹ වරායට පැමිණි අතර, ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

ශ්‍රී ලංකාවේ පාකිස්ථානු ඉස්ලාමීය ජනරජයේ මහ කොමසාරිස් ගරු මේජර් ජෙනරල් Faheem-Ul-Aziz (විශ්‍රාමික) නිළ හමුවක් සඳහා 2025 අප්‍රේල් මස 21 වැනි දින නැගෙනහිර නාවික විධාන මූලස්ථානයේදී, එම විධානයේ නියෝජ්‍ය ආඥාපති හමු විය.

සිංහල හා දෙමළ අළුත් අවුරුද්ද වෙ‍නුවෙන් උතුරු මැද නාවික විධානය මඟින් සංවිධානය කල විචිත්‍රවත් බක්මහ උළෙලක්, එම නාවික විධානයේ ආඥාපතිගේ ප්‍රධානත්වයෙන් 2025 අප්‍රේල් මස 20 වැනි දින තලෛයිමන්නාරම, පියර්ගම රෝමානු කතෝලික විද්‍යාල ක්‍රීඩාංගනයේදි උත්කර්ශවත් අයුරින් පැවැත්විණි.