ඉන්දියා - ශ්‍රී ලංකා ආරක්ෂක සහයෝගිතාව පිළිබඳ සම්මන්ත්‍රණය (Seminar on India - Sri Lanka Defence Co-Operation), 2024 අප්‍රේල් මස 10 වන දින ආරක්ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මහතා ගේ ප්‍රධානත්වයෙන් කොළඹ, ටාජ් සමුද්‍රා හෝටල් පරිශ්‍රයේදී සාර්ථකව පැවැත්වුණු අතර, එම අවස්ථාව සඳහා නාවික හමුදාධිපති වයිස් අද්මිරාල් ප්‍රියන්ත පෙරේරා සහභාගී විය.

සියලුම නාවික හමුදා පුද්ගලයන්ගේ සහ නාවික පවුල් වල සුභසාධනය වෙනුවෙන්, නාවික හමුදා සේවා වනිතා ඒකකය මඟින් සංවිධානය කරනු ලබන 2024 අලුත් අවුරුදු පොළ විවෘත කිරීම, සේවා වනිතා ඒකකයේ ගරු සභාපතිනි මාලා ළමාහේවා මැතිණියගේ ආරාධනයෙන්, නාවික හමුදාධිපති වයිස් අද්මිරාල් ප්‍රියන්ත පෙරේරා ‍ගේ ප්‍රධානත්වයෙන් අද දින (2024 අප්‍රේල් 10) වැලිසර නාවික සංකීර්ණයේදී සිදු කෙරිණි.

ශ්‍රී ලංකා නාවික හමුදාවේ රියර් අද්මිරාල් ප්‍රින්ස්ලි ලියනගේ (විශ්‍රාමික) විසින් ශ්‍රී පාදස්ථානය වෙත ගමන් කරනු ලබන; නල්ලතන්නිය, එරත්න, පලාබද්දල සහ ‍මාලින්බොඩ යන මාර්ග 04 ඔස්සේ පැය 23 යි විනාඩි 46 ක කාලයක් තුලදී ශ්‍රී පාදස්ථානය වෙත ගමන් කර, පැය 24 ක් ඇතුළත වැඩිමවාර ගණනක් ශ්‍රී පාදස්ථානය වෙත ගමන් කල පළමු පුද්ගලයා ලෙස සෙරන්ඩිබ් ලෝක වාර්තාවක් පිහිටුවීමට සමත් විය.

ගිණි‍කොන නාවික විධානයේ අභිනව ආඥාපති වශයෙන් පත් කෙරුණු රියර් අද්මිරාල් තුෂාර කරුණාතුංග 2024 අප්‍රේල් මස 08 වන දින ගිණි‍කොන නාවික විධාන මූලස්ථානයේදී, එම නාවික විධානයේ ආඥාපති වශයෙන් වැඩ භාර ගැනීම සිදු කෙරිණි.

නාවික ඉංජිනේරු සහ නාවික සැලසුම් ක්‍ෂේත්‍රයෙහි උපාධිදාරී ඉංජිනේරුවරුන් ශ්‍රී ලංකා ඉංජිනේරු ආයතනයේ (Institution of Engineers Sri Lanka - IESL) වරලත් ඉංජිනේරුවරයෙකු ලෙස සාමාජිකත්වය ලබාගැනීම සඳහා පුහුණු කිරීමේ ආයතනයක් ලෙස, ශ්‍රී ලංකා ඉංජිනේරු ආයතනය විසින් නාවික හමුදා සැලසුම් අධ්‍යක්‍ෂකය වෙත පිළිගැනීමේ සහතිකයක් පිරිනමන ලද අතර, එම සහතිකය අද දින (2024 අප්‍රේල් 08) නාවික හමුදාධිපති, වයිස් අද්මිරාල් ප්‍රියන්ත පෙරේරා වෙත පිරිනැමීම, නාවික හමුදා නියෝජ්‍ය මාණ්ඩලික ප්‍රධානී හා අධ්‍යක්ෂ ජෙනරාල් ඉංජිනේරු රියර් අද්මිරාල් රවී රණසිංහ විසින් නාවික හමුදා මූලස්ථානයේදී සිදුකෙරිණි.

ශ්‍රී ලංකාවේ තලෙයිමන්නාරමේ සිට ඉන්දියාවේ ධනුෂ්කොඩි දක්වා 2024 අප්‍රේල් මස 10 සහ 11 යන දිනයන්හීදී පැවැත්වීමට නියමිත මුහුදු කායකින් තරඟාවලිය (Indo Sri Lanka Annual Canoeing Sprint – 2024) සඳහා පානීය ජලය ලබාදීමේ අනුග්‍රාහක දායකත්වය Ceylon Cold Beverages ආයතනය විසින් සිදුකිරීමට නියමිතව ඇති අතර, එම ආයතනයේ කළමණාකරන අධ්‍යක්‍ෂක ජේඑම්සීටී ජයසුන්දර මහතා විසින් ජල බෝතලයක් සංකේතාත්මකව නාවික හමුදාධිපති වයිස් අද්මිරාල් ප්‍රියන්ත පෙරේරා වෙත පිළිගැන්වීම, අද දින (2024 අප්‍රේල් 08) නාවික හමුදා මූලස්ථානයේදී සිදුකෙරිණි.

ඇමෙරිකා එක්සත් ජනපද වෙරළාරක්‍ෂක දෙපාර්තමේන්තුවේ ‘Medium Endurance Cutter’ නෞකා පංතියට අයත් USCGC Ex -Decisive නෞකාව ශ්‍රි ලංකා නාවික හමුදාව වෙත ලබාගැනීම සම්බන්ධ මූලික සාකච්ඡාවක් බටහිර නාවික විධානයේ ආඥාපති රියර් අද්මිරාල් සමන් පෙරේරා ගේ සහ ශ්‍රී ලංකාවේ ඇමෙරිකා එක්සත් ජනපද තානාපති කාර්යාලයේ ආරක්‍ෂක සහයෝගීතා කාර්යාල ප්‍රධානී CDR Sean Jin, ගේ ප්‍රධානත්වයෙන් 2024 අප්‍රේල් මස 03 වන දින සිට 05 වන දින දක්වා නාවික හමුදා මූලස්ථානයේදී සාර්ථකව පැවැත්විණි.

ශ්‍රී ලංකා නාවික හමුදාවේ නව නියෝජ්‍ය මාණ්ඩලික ප්‍රධානී ලෙස රියර් අද්මිරාල් රවී රණසිංහ 2024 අප්‍රේල් මස 04 වන දින පත් කෙරුණු අතර, නාවික හමුදාධිපති වයිස් අද්මිරාල් ප්‍රියන්ත පෙරේරා විසින් ඊට අදාළ පත්වීම් ලිපිය 2024 අප්‍රේල් මස 08 වන දින නාවික හමුදා මූලස්ථානයේදී, රියර් අද්මිරාල් රවී රණසිංහ වෙත නිල වශයෙන් ප්‍රදානය කර සිය සුභපැතුම් පිරිනැමීම සිදුකෙරිණි.

ශ්‍රී ලංකා නාවික හමුදාවේ තවත් සමාජ සත්කාර්යයක් ලෙස සංවිධානය කළ ලේ දන්දීමේ වැඩසටහනක්, 2024 අප්‍රේල් මස 06 වන දින නැගෙනහිර නාවික විධානයේ සංවිධායකත්වයෙන් ත්‍රිකුණාමලය මහ රෝහල් පරිශ්‍රයේදී පැවැත්විණි.

නාවික හමුදා ක්‍ෂණික ක්‍රියාකාරී යාත්‍රා බලඝණයේ මෙහෙයවීමෙන් සහ කළුතර දිස්ත්‍රික් ආපදා කළමණාකරන සම්බන්ධීකරන ඒකකයේ සංවිධායකත්වයෙන් කළුතර දිස්ත්‍රික්කයේ ආපදා කළමණාකරන කමිටු සාමජිකයන් වෙත සහ දොඩංගොඩ ප්‍රාදේශීය ලේකම් කොට්ඨාසයේ සිවිල් පුද්ගලයන් වෙත 2024 මාර්තු මස 19 සහ 29 දෙදින ආපදා කළමණාකරණ, මූලික ප්‍රථමාධාර සහ ජීවිතාරක්‍ෂක පුහුණු වැඩසටහනක් කළුතර වෙරළ තීරයේදී සාර්ථකව පැවැත්වීමට නාවික හමුදාව විසින් කටයුතු කෙරිණි.