ශ්‍රී ලංකා නාවික හමුදාව විසින් තෙවන වරටත් පවත්වනු ලැබූ කොළඹ නාවික අභ්‍යාසය (Colombo Naval Exercise –CONEX 21) 2021 පෙබරවාරි 10 වන දින සාර්ථකව නිමාවට පත්වූ අතර, තෙදිනක් පුරා පැවැත්වූ මෙම නාවික අභ්‍යාසයේ අවසන් දිනය වන 2021 පෙබරවාරි 10 වන දින පැවති අභ්‍යාසය අධීක්‍ෂණය සඳහා නාවික හමුදාධිපති වයිස් අද්මිරාල් නිශාන්ත උළුගේතැන්න සහභාගී විය.

දෙස් විදෙස් සංචාරකයන්ගේ ආකර්ෂණයට ලක්වූ ගාලු මුවදොර ආශ්‍රිත ප්‍රදේශය ක්‍රමවත්ව ප්‍රථිසංස්කරණය කිරීමේ ව්‍යාපෘතිය (Galle Face Green Project) යටතේ සිදු කෙරෙන ප්‍රථිසංස්කරණ කටයුතු අතිගරු ජනාධිපති ගෝඨාභය රාජපක්‍ෂ මැතිතුමා විසින් අද (2021 පෙබරවාරි 08) දින නිරීක්‍ෂණය කරන ලදී.

ශ්‍රී ලංකා නාවික හමුදාව විසින් තුන්වන වරටත් පවත්වනු ලබන ‘කොළඹ නාවික අභ්‍යාසය - 2021’ (Colombo Naval Exercise –CONEX 21) සමාරම්භක උත්සවය අද (2021 පෙබරවාරි 07) කොළඹ වරායේ දී ශ්‍රී ලංකා නාවික නෞකා සයුරළ නෞකාව තුල පැවැත්විණි. මෙම නාවික අභ්‍යාසය 2021 පෙබරවාරි 08 වන දින සිට 10 වන දින දක්වා කොළඹට නුදුරු මුහුදු තීරයේදී පැවැත්වීමට කටයුතු සුදානම් කර ඇති අතර, එම අභ්‍යාසයේ සැළසුම්ගත අධියරයන් ඉදිරි දින 03 තුලදී ක්‍රමවත්ව ක්‍රියාත්මක කිරීම නාවික දියත් විධානයේ මෙහෙයවීමෙන් සිදුවේ.

නාවික හමුදා සමාජ මෙහෙවර ව්‍යාපෘතියේ තවත් ප්‍රජා සත්කාරයක් ලෙස අම්පාර පදියතලාව ප්‍රාදේශීය ලේකම් කොට්ඨාශයේ අභිනවයෙන් ඉදිකල ප්‍රතිආශ්‍රැති ජල පිරිපහදු මධ්‍යස්ථාන 04ක් ජනතා අයිතියට පත් කිරීම 2021 පෙබරවාරි 04 වන දින සිදු කල අතර, එම මධ්‍යස්ථානයන්ද සමඟ මේ වන විට ශ්‍රී ලංකා නාවික හමුදාව විසින් ජනතාවගේ පානීය ජල අවශ්‍යතාවය සපුරාලීම සඳහා ප්‍රතිආශ්‍රැති ජල පිරිපහදු මධ්‍යස්ථාන 817ක් ඉදිකිරීමට කටයුතු කර ඇත.

ඉන්දුනීසියානු නාවික හමුදාවට අයත් “KRI Bung Tomo” නෞකාව දෙදින (02) නිළ සංචාරයක් සඳහා අද (2021 පෙබරවාරි 05) හම්බන්තොට වරායට සේන්දු විය.

73 වන අභිමානවත් නිදහස් සැමරුම් උළෙලට සමගාමීව ශ්‍රී ලංකා නාවික හමුදාව විසින් සංවිධානය කරන ලද නාවික හමුදා උභය තරණ ශක්‍යතාවයන් ඉදිරිපත් කෙරෙන ප්‍රදර්ශනාත්මක අභ්‍යාසයක් ගාලු මුවදොර වෙරළ තීරයේදී 2021 පෙබරවාරි 04 වන දින ආරම්භ විය.

“ඉසුරුමත් හෙට දිනක් - සෞභාග්‍යමත් මව්බිමක්” යන තේමාව පෙරදැරි කර ගනිමින් පැවති 73 වන අභිමානවත් නිදහස් දිනයට සමගාමීව ශ්‍රී ලංකා නාවික හමුදාව විසින් ජාතිය වෙත පිදෙන සාම්ප්‍රදායික වෙඩිමුර උත්තමාචාරය නාවික හමුදාධිපති වයිස් අද්මිරාල් නිශාන්ත උළුගේතැන්න ගේ උපදෙස් හා මඟ පෙන්වීම මත ශ්‍රී ලංකා නාවික නෞකා සමුදුර නෞකාවේ දී, අද (2021 පෙබරවාරි 04) මධ්‍යහන 1200 පැයට එම නෞකාවේ අණදෙන නිලධාරී, කපිතාන් චමින්ද කරුණාසේන, විධායක නිලධාරී, කොමාණ්ඩර් බණ්ඩාර වාහල සහ අවි නිලධාරී ලුතිනන් කොමාණ්ඩර් කසුන් ප්‍රගීත් ගේ මෙහෙයවීමෙන් සිදු කෙරිණි.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ අතිගරු ජනාධිපති සහ සන්නද්ධ හමුදා සේනාධිනායක, ගෝඨාභය රාජපක්‍ෂ මැතිතුමාගේ ප්‍රධානත්වයෙන් “ඉසුරුමත් හෙට දිනක් - සෞභාග්‍යමත් මව්බිමක්” යන තේමාව පෙරදැරි කර ගනිමින් කොළඹ නිදහස් චතුරශ්‍රයේදී අද ‍(2021 පෙබරවාරි 04) පෙරවරුවේ පැවති 73 වන නිදහස් සැමරුම් උළෙල සඳහා නාවික හමුදාව මහත් අභිමානයෙන් යුතුව සහභාගී වන ලදි.

ගිණිකොන නාවික විධානය මගින් අම්පාර ප්‍රදේශයේ තෝරාගත් පාසල් කිහිපයක් සඳහා පාසල් උපකරණ ප්‍රදානය කිරීමක් ගිණිකොන නාවික විධානයේ ආඥාපති රියර් අද්මිරාල් ජයන්ත ගමගේ ගේ ප්‍රධානත්වයෙන් සිදු කෙරිණි.