2020 පෙබරවාරි මස 06 වන දින ගාල්ල රිච්මන්ඩ් විද්‍යාලය වෙත නාවික හමුදාව සතුව තිබු භාවිතයෙන් ඉවත් කරන ලද එංජින් සහ තාක්ෂණික උපකරණ පරිත්‍යාග කිරිම සිදුකරන ලදි.

නාවික හමුදාව සහ පොලීසිය එක්ව 2020 පෙබරවාරි 06 වන දින ඔඩ්ඩමාවඩි ප්‍රදේශයේ සිදු කල සෝදිසි කිරීමකදී නීති විරෝධී ධීවර කටයුතු සඳහා යොදා ගනු ලබන පුපරණ ද්‍රව්‍ය තොගයක් සමඟ පුද්ගලයෙකු අත්අඩංගුවට ගැනීමට හැකි වී ඇත.

නාවික හමුදාව විසින් 2020 පෙබරවාරි 05 වන දින ගාල්ල ප්‍රදීපාගාරයට මුහුදු සැතපුම් 120ක් පමණ ඈත මුහුදේ සිදු කළ මුර සංචාරයක් අතරතුර අවස්ථා දෙකකදී බීඩිකොළ කිලෝග්‍රෑම් 92කට අධික ප්‍රමාණයක් නාවික හමුදා භාරයට ගැනීමට සමත්ව ඇත.

ගාල්ල, මහමෝදර ප්‍රදේශයට ඔබ්බෙන් වූ මුහුදු ප්‍රදේශයේ බලපත්‍ර රහිතව ධීවර කටයුතු වල නිරත වූ පුද්ගලයෙකු (01) 2020 පෙබරවාරි 06 වන දින නාවික හමුදා භාරයට ගෙන ඇත.

ශ්‍රී ලංකාවේ නිල සංචාරයක නිරත වන පකිස්තානයේ ගුවන් හමුදාපති එයා චීෆ් මාෂල් මුජාහිඞ් අන්වර් ඛාන් (Mujahid Anwar Khan) අද (2020 පෙබරවාරි 07) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් පියල් ද සිල්වා හමුවිය.

72 වන නිදහස් සමරු උළෙලට සමගාමීව නිත්‍යානුකූල නොවන අයුරින් සේවය හැරගිය ත්‍රිවිධ හමුදා සමාජිකයින් හට නිත්‍යානුකූලව නාවික හමුදාවෙන් ඉවත්වීම සඳහා හෝ නැවත නාවික හමුදාවට එක්ව තම රට ජාතිය වෙනුවෙන් සේවය කිරීමට අවස්ථාවක් උදාකර දීම සඳහා පොදු සමා කාලයක් ප්‍රකාශයට පත්කර ඇති අතර, ඒ අනුව නිත්‍යානුකූල නොවන අයුරින් සේවය හැරගිය නාවික හමුදා සාමාජිකයින් 396 දෙනෙකු මේ වනවිට (2020 පෙබරවාරි 07) නාවික හමුදා කඳවුරු වෙත වාර්ථා කර ඇත.

නාවික හමුදාව සහ පොලීසිය එක්ව 2020 පෙබරවාරි 06 වන දින සෙට්ටිකුලම් මැණික් ෆාම් ප්‍රදේශයේදී හෙරොයින් මත්ද්‍රව්‍ය සමඟ සැකකරුවන් දෙදෙනෙකු (02) අත්අඩංගුවට ගෙන ඇත.

නාවික හමුදාව සහ පොලිසිය එක්ව අද (2020 පෙබරවාරි 06) කුච්චවේලි ප්‍රදේශයේ සිදු කළ මෙහෙයුමක් අතරතුර කේරළ ගංජා ග්‍රෑම් 56 කට ආසන්න ප්‍රමාණයක් සමග පුද්ගලයෙකු අත්අඩංගුවට ගැනීමට සමත්ව ඇත.

72 නිදහස් දින උළෙලට සමගාමිව ශ්‍රී ලංකා නාවික හමුදාව විසින් රුක්රෝපණ වැඩසටහන් මාලාවක් 2020 පෙබරවාරි මස 04 වන දින ක්‍රියාත්මක කරන ලදී.

නාවික හමුදාව විසින් අද (2020 පෙබරවාරි 06 ) උඩප්පුව හා දළුව මුහුදු ප්‍රදේශයේ සිදු කළ සෝදිසි මෙහෙයුමකදී හක් බෙල්ලන් හතරක් (04) සමග සැකකරුවන් දෙදෙනෙක් (02) නාවික හමුදා ‍භාරයට ගන්නා ලදි.