ශ්‍රී ලංකාවේ ඕස්ට්‍රේලියානු මහකොමසාරිස් කාර්යාලයේ ආරක්ෂක උපදේශක වශයෙන් නව පත්වීම් ලද ගෘප් කපිතාන් සීන් අන්වින් මහතා අද (ජනවාරි 10) නාවික හමුදා මූලස්ථානයේදී, නාවික හමුදා මාණ්ඩලික ප්‍රධානී, රියර් අද්මිරාල් නීල් රොසයිරෝ මහතා හමුවිය.

උතුරු මැද නාවික විධානයට අනුයුක්ත නාවිකයන් පිරිසක් විසින් ඊයේ (ජනවාරි 09) වෙඩිතලතිව් මුහුදු ප්‍රදේශයේදී තහනම් දැල් භාවිතා කරමින් නීතී විරෝධී ලෙස ධීවර කටයුතු වල නිරත වූ පුද්ගලයින් 6 දෙනෙකු අත්අඩංගුවට ගෙන ඇත.

නාවික හමුදාවට ලද තොරතුරකට අනුව නැගෙනහිර නාවික විධානයට අනුයුක්ත නාවිකයන් පිරිසක් සහ උප්පුවේලි පොලිස් විශේෂ කාර්යය බළකායේ නිලධාරීන් පිරිසක් එක්ව ඊයේ (ජනවාරි 09) නිලාවේලි ප්‍රදේශයේ සිදු කළ වැටලීමකදී ‍ත්‍රීරෝද රථයක් මඟින් ප්‍රවාහනය කරමින් තිබූ කේරළ ගංජා කිලෝග්‍රෑම් 1 ක් සමඟ පුද්ගලයෙකු අත්අඩංගුවට ගෙන ඇත.

ශ්‍රී ලංකා ස්වේච්ඡා නාවික හමුදාව අද (ජනවාරි 09) දින වැලිසර ශ්‍රී ලංකා නාවික නෞකා ලංකා ආයතනයේදී සිය 66 වන සංවත්සරය අභිමානවත් ලෙස සමරනු ලැබීය.

ශ්‍රී ලංකාවේ එක්සත් ජනපද තානාපති කාර්යාලයේ දේශපාලන උපදේශිකා, කෙලී බිලිංග්ලි මහත්මිය අද (ජනවාරි 08) නැගෙනහිර නාවික විධාන මූලස්ථානයේදී, විධාන ආඥාපති, රියර් අද්මිරාල් නිමල් සරත්සේන මහතා හමුවිය.

ඩයලොග් අන්තර් සමාජ ලීග් තරඟාවලියේ නාවික හමුදා සහ යුද හමුදා පිල අතර තවත් එක් තරඟයක් ඊයේ (‍ජනවාරි 07) කොළඹ හැව්ලොක් පිටියේදී පැවැත්වුණු අතර, එහිදී යුද හමුදා කණ්ඩායම පරාජය කරමින් ලකුණු 28 – 10 ක් වශයෙන් නාවික හමුදා කණ්ඩායම සිය ජයග්‍රහණය තහවුරු කර ගැනීමට සමත් විය.

කොළඹ, ශ්‍රී ලංකා නාවික නෞකා පරාක්‍රම ආයතනයට වසර 35 ක් සපිරීම නිමිති කර ගනිමින් පසුගිය ජනවාරි මස 05 වන දින ශ්‍රීලංනානෞ පරාක්‍රම, අද්මිරාල් සෝමතිලක දිසානායක ශ්‍රවණාගාරයේදී සර්වරාත්‍රික පරිත්‍රාන සෙත් පිරිත් සජ්ජායනාවක් පැවැත්වූ අතර, පසු දින ගරුතර සංඝයාවහන්සේලා 20 නමක් උදෙසා උදෑසන දානය පිළිගැන්වීම සිදු කෙරිණි.

නාවික හමුදාවට ලද තොරතුරක් අනුව බටහිර නාවික විධානයට අනුයුක්ත නාවියන් පිරිසක් විසින් ඊයේ (ජනවාරි 06) බලපිටිය මුහුදු ප්‍රදේශයේදී විනෝදාස්වාදය උදෙසා තහනම් උපකරණ (Spear Gun) භාවිතා කරමින් නීති විරෝධී ලෙස මසුන් ඇල්ලූ විදේශිය පුද්ගලයින් දෙදෙනෙකු අත්අඩංගුවට ගෙන ඇත.

ධීවර හා ජලජ සම්පත් දෙපාර්තමේන්තුව මගින් සිදු කළ දැනුම් දීමකට අනුව බහුදින ධීවර යාත්‍රාවක සිටි අසාධ්‍ය රෝගියෙකු වෛද්‍ය ප්‍රථිකාර සඳහා කඩිනමින් ගොඩබිමට රැගෙන ඒමට නාවික හමුදාව අද (ජනවාරි 06) කටයුතු කරන ලදී.

උතුරු නාවික විධානයේ බුද්ධි අංශයට ලද තොරතුරකට අනුව එම විධානයට අනුයුක්ත නාවික පුද්ගලයින් විසින් අද (ජනවාරි 06) උදෑසන සිදු කළ සෝදිසි කිරීමකදී වැල්වැටිතුරෙයි වෙරළ තීරයේ සඟවා තිබු කේරළ ගංජා කිලෝග්‍රෑම් 90 ක්, අබිං කිලෝග්‍රෑම් 04 ක් සහ හෂිස් කිලෝග්‍රෑම් 04 ක් සොයා ගෙන ඇත.