ශ්‍රී ලංකා නාවික හමුදාව විසින් විදේශීය පෞද්ගලික සමුද්‍රීය ආරක්‍ෂක සමාගම් සමඟ ගිවිසුම්ගත වෙමින්, වෙළඳ නෞකා ආරක්‍ෂක කණ්ඩායම් සඳහා පහසුකම් සැපයීමේ මෙහෙයුම් කටයුතු (Onboard Security Team - OBST) ස්වාධීනව සිදුකිරීම 2025 ඔක්තෝබර් මස 03 වන දින ආරම්භ කල අතර, ගත වු මාස හතරක (04) කාලය තුල සිදුකල එම මෙහෙයුම් 323ක් මඟින්, ඇමෙරිකානු ඩොලර් 598,250ක විදේශීය විනිමය සෘජුවම උපයා, එම ආදායම ජාතික සුභසිද්ධිය වෙනුවෙන් ලබා දීමට සමත් විය. මේ සම්භන්ධයෙන් මාධ්‍ය දැනුවත් කිරීමේ සාකච්ඡාවක් නාවික හමුදා අධ්‍යක්‍ෂ ජෙනරාල් මෙහෙයුම්ගේ ප්‍රධානත්වයෙන් 2026 පෙබරවාරි මස 11 දින රජයේ ප්‍රවෘත්ති දෙපාර්ථමේන්තුවේදී පැවැත්විණි.