පුත්තලම ඟගේවාඩිය පිහිටි නාවික හමුදා ක්‍ෂණික ක්‍රියාකාරි යාත්‍රා බලඝන මූලස්ථානයේ, ආපදා කළමණාකරන පුහුණු පාසලේදි පැවැත්වූ තෙදින (03) මානුෂීය ආධාර සහ ආපදා සහන පුහුණු සැසිය, 2025 නොවැම්බර් මස 14 වැනි දින පැවති එකාබද්ධ ප්‍රායෝගික අභ්‍යාසයන්ගෙන් අනතුරුව, සාර්ථකව නිමාවට පත් විය.

තිරසාර ධීවර කර්මාන්තය සහ සමුද්‍රීය පරිසරයේ ජෛව විවිධත්වය සංරක්‍ෂණය කිරිම වෙනුවෙන් ඒකාබද්ධ ප්‍රවේශයක් සඳහා; වයඹ පළාතේ ප්‍රදේශීය ලේකම් කාර්යාල, ධීවර හා ජලජ සම්පත් දෙපාර්තමේන්තුව, ශ්‍රි ලංකා පොලීසිය, රේගු දෙපාර්තමේන්තුව, වනජීවී සංරක්‍ෂණ දෙපාර්තමේන්තුව, වෙරළ සංරක්‍ෂණ හා වෙරළ සම්පත් කළමණාකරන දෙපාර්තමේන්තුව, මධ්‍යම පරිසර අධිකාරිය, වන සංරක්‍ෂණ දෙපාර්තමේන්තුව සහ වයඹ පළාත් ධීවර සංගම් නියෝජිතයින්ගේ සහභාගීත්වයෙන් විෂය ප්‍රාමාණික අදහස්, යෝජනා සහ සැලසුම් පිළිබඳ සැසියක්, වයඹ නාවික විධානයේ ආඥාපතිගේ ප්‍රධානත්වයෙන්, 2025 නොවැම්බර් මස 11 වැනි දින පුත්තලම, ශ්‍රී ලංකා නාවික නෞකා තම්බපන්නි ආයතනයේදී පැවැත්විණි.