රාජකීය ලංකා නාවික හමුදාවේ සේවය කළ අභාවප්‍රාප්ත සුළු නිලධාරී අරුලානන්දම් මාරියම්පිල්ලේ ගේ අවසන් කටයුතු නාවික හමුදා ගෞරව සහිතව යාපනය කයිට්ස් දූපතේදී
රාජකීය ලංකා නාවික හමුදාවට අනුයුක්තව රාජකාරි කර විශ්‍රාමිකව සිටි සුළු නිලධාරී අරුලානන්දම් මාරියම්පිල්ලේ ජ්‍යේෂ්ඨ නාවිකයා 2024 දෙසැම්බර් මස 31 වැනි දින අභාවප්‍රාප්ත වූ අතර, ඔහුගේ අවසන් කටයුතු 2025 ජනවාරි මස 02 වැනි දින යාපනය කයිට්ස් දූපතේදී නාවික හමුදා ගෞරව සහිතව, සිදු කිරීමට නාවික හමුදාව විසින් කටයුතු සංවිධානය කෙරිණි.
සුළු නිලධාරී අරුලානන්දම් මාරියම්පිල්ලේ ජ්‍යේෂ්ඨ නාවිකයා 1954 වර්ෂයේ දෙසැම්බර් මස 30 වැනි දින රාජකීය ලංකා නාවික හමුදාවට බැදී ඇත. වසර 22 ක නාවික හමුදා සේවයකින් පසුව 1976 දෙසැම්බර් මස 29 වැනි දින නාවික හමුදා සේවයෙන් විශ්‍රාම ලබා ඇති ඔහු 2024 දෙසැම්බර් මස 31 වැනි දින අභාවප්‍රාප්ත විය.
ඒ අනුව, යාපනය කයිට්ස් දූපතේදී නාවික හමුදා සම්ප්‍රදායන්ට අනුකූලව, නාවික හමුදා ගෞරව සහිතව සිදුකෙරුණු සුළු නිලධාරී අරුලානන්දම් මාරියම්පිල්ලේ ජ්‍යේෂ්ඨ නාවිකයා ගේ අවසන් කටයුතු උතුරු නාවික විධානය මඟින් සංවිධානය කෙරිණි.
