සාම්ප්‍රදායික අවුරුදු චාරිත්‍ර වාරිත්‍ර සහ සංස්කෘතිකාංගයන්ට ප්‍රමුඛත්වයක් දෙමින් නැගෙනහිර නාවික විධානය මඟින් සංවිධානය කල බක්මහ උළෙල, ‘සූර්ය මංගල්‍යය’ නමින් 2025 අප්‍රේල් මස 17 වැනි දින නැගෙනහිර නාවික විධානයේ ආඥාපතිගේ ප්‍රධානත්වයෙන් ත්‍රිකුණාමලය නාවික තටාකාංගනයේදී උත්කර්ශවත් අයුරින් පැවැත්විණි.

සිංහල හා දෙමළ අළුත් අවුරුද්ද වෙ‍නුවෙන් වයඹ නාවික විධානය මඟින් සංවිධානය කල බක්මහා උළෙලක් 2025 අප්‍රේල් මස 16 වැනි දින වයඹ නාවික විධානයේ ආඥාපතිගේ ප්‍රධානත්වයෙන් ශ්‍රී ලංකා නාවික ‍නෞකා භරණ ආයතනයේදී උත්කර්ශවත් අයුරින් පැවැත්විණි.

ශ්‍රී ලංකා නාවික හමුදාව, ශ්‍රී ලංකා ගුවන් විදුලි සංස්ථාවේ වෙළඳ සේවය සහ හරිත ටීවී ආයතනය හා එක්ව සංවිධානය කරන ලද “සයුරත සූර්ය මංගල්‍ය - 2025” සිංහල හා දෙමළ අළුත් අවුරුදු උත්සවය 2025 අප්‍රේල් මස 14 වැනි දින ශ්‍රී ලංකා නාවික නෞකා සිඳුරළ නෞකාවේදී, පාරම්පරික හෙළ සිරිත් විරිත් සහ සංස්කෘතිකාංග සහිතව උත්කර්ෂවත් අයුරින් පැවැත්වීමට කටයුතු කෙරිණි.

“ක්ලීන් ශ්‍රී ලංකා” ජාතික ව්‍යාපෘතිය යටතේ සමාජීය වශයෙන් ප්‍රජාව බල ගැන්වීමට දායක වෙමින්, ශ්‍රී ලංකා නාවික හමුදාව මඟින් මුහුදේදී තිරණාත්මක සෞඛ්‍ය සහ හදිසි රෝගී අවස්ථා කළමණාකරණය සම්බන්ධයෙන් ධීවර ප්‍රජාව දැනුවත් කර බල ගැන්වීමේ පුහුණු වැඩසටහනක් 2025 අප්‍රේල් මස 11 වැනි දින වාලච්චේන ධීවර වරාය පරිශ්‍රයේදී සාර්ථකව පැවැත්වීමට කටයුතු කෙරිණි.

ජෙනරාල් ශ්‍රීමත් ජෝන් කොතලාවල ආරක්‍ෂක විශ්ව විද්‍යාලයේ සම සෞඛ්‍ය විද්‍යාපීඨයට අනුබද්ධිතව, ශ්‍රී ලංකා නාවික නෞකා තක්‍ෂිලා ආයතනයේ ස්ථාපිත නාවික හමුදා හෙද විදුහලේ 2024 බඳවා ගැනීමට අයත් යුද, නාවික හා ගුවන් හමුදා හෙද සිසුන් 34 දෙනෙකු සේවයට කැපවීමේ හා ප්‍රතිඥා දීමේ උත්සවය, නාවික හමුදා මාණ්ඩලික ප්‍රධානී, රියර් අද්මිරාල් ඩේමියන් ප්‍රනාන්දු ගේ ප්‍රධානත්වයෙන් නාවික හමුදා මූලස්ථානයේ අද්මිරාල් සෝමතිලක දිසානායක ශ්‍රවණාගාරයේදී 2025 අප්‍රේල් මස 09 වැනි දින පැවැත්විණි.

ශ්‍රී ජයවර්ධනපුර විශ්ව විද්‍යාලයේ දන්ත වෛද්‍ය පීඨයේ පීඨාධිපති ලෙස, ප්‍රතිස්ථාපන දන්ත වෛද්‍ය විද්‍යා මහාචාර්ය හා නාවික හමුදා දන්ත වෛද්‍ය සේවාවේ බාහිර උප‍දේශක වරයෙක් වශයෙන් කටයුතු කරනු ලබන, වෛද්‍ය කොමදෝරු (දන්ත) අයිඩබ්ඒපීඩී පලිපාන 2025 අප්‍රේල් මස 08 වැනි දින වැඩ භාර ගැනීම සිදු කෙරිණි.

දුෂණ වි‍රෝධි ජාතික ක්‍රියාකාරි සැලැස්ම 2025-2029 (National Anti-Corruption Action Plan- NACAP) එළිදැක්වීම, 2025 අප්‍රේල් මස 09 වැනි දින, ශ්‍රී ලංකා ජනාධිපති ගරු අනුරකුමාර දිසානායක මැතිතුමාගේ ප්‍රධානත්වයෙන් කොළඔ බංඩාරනායක අනුස්මරණ සම්මන්ත්‍රණ ශාලාවේදී සිදු කෙරුණු අතර, එම අවස්ථාව සඳහා නාවික හමුදාධිපති සහභාගී විය.

නාවික හමුදාවේ තාක්‍ෂණික හා ශිල්පීය දායකත්වයෙන් සහ සන්ෂයින් ෆවුන්ඩේෂන් ෆෝ ගුඩ් (Sunshine Foundation for Good) ආයතනයේ මූල්‍ය දායකත්වයෙන් මොණරාගල දිස්ත්‍රීක්කයේ මඩුල්ල, අල්පිටිය මහා විදුහල් භූමියේ ස්ථාපිත කල ප්‍රතිආශ්‍රැති ජල පිරිපහදු මධ්‍යස්ථානය 2025 අප්‍රේල් මස 10 වැනි දින ජනතා අයිතියට පත් කෙරිණි.

“සතුට සපිරි පාසලක්” යන තේමාව මුල්කරගනිමින් ජාතික සාරධර්ම හා සමාජමය වටිනාකම් පෝෂණය කරණු ලබන, පරිසර හිතකාමි අධ්‍යාපන පරිසරයක් පෝෂණය කිරීමේ ජාතික වැඩසටහන යටතේ, පොතුවිල්, අල්-කලාම් මහා විද්‍යාල පරිශ්‍රය ආකර්ෂණීය ලෙස ප්‍රථිස්ථාපනය කිරීම සඳහා නාවික හමුදා ප්‍රජා සත්කාරක දායකත්වය ලබාදීම හා පුරවැසි බල ගැන්වීම 2025 අප්‍රේල් මස 07 වැනි දින සිදු කෙරිණි.

උතුරු මැද නාවික විධානයේ අභිනව ආඥාපති වශයෙන් පත්කෙරුණු රියර් අද්මිරාල් ඉන්දික ද සිල්වා අද (2025 අප්‍රේල් 09) එම විධාන මූලස්ථානයේදී ආඥාපති ධුරයේ වැඩ භාර ගැනීම සිදු කෙරිණි.