දිර්ඝ සැපයුම් කළමනාකරණ පාඨමාලා අංක 09 හී සහතික ප්‍රදානෝත්සවය 2025 ජුනි මස 01 වැනි දින ත්‍රීකුණාමලය නාවික හා සාගරික විද්‍යාපීඨයේ අද්මිරාල් වසන්ත කරන්නාගොඩ ශ්‍රවණාගාරයේ දී සාර්ථකව පැවැත්වුණු අතර, එම අවස්ථාව සඳහා නාවික හා සාගරික විද්‍යාපීඨයේ ආඥාපති රියර් අද්මිරාල් රොහාන් ජෝෂප්ගේ ආරාධනයෙන් ප්‍රධාන ආරාධිත අමුත්තා ලෙස නාවික හමුදාධිපති, වයිස් අද්මිරාල් කාන්චන බානගොඩ සහභාගි විය.

දිර්ඝ සැපයුම් කළමනාකරණ පාඨමාලා අංක 09 විසින් සංවිධානය කරන ලද 07 වැනි ‘සැපයුම් සමුළුව - 2025’, ‘Leveraging Adaptive Logistics in Building Resilient Supply Chains in a Volatile Global Economy’ යන තේමාව යටතේ 2025 මැයි මස 31 වැනි දින ත්‍රීකුණාමලය නාවික හා සාගරික විද්‍යාපීඨයේ අද්මිරාල් වසන්ත කරන්නාගොඩ ශ්‍රවණාගාරයේ දී සාර්ථකව පැවැත්වුණු අතර, එම අවස්ථාව සඳහා නාවික හා සාගරික විද්‍යාපීඨයේ ආඥාපති රියර් අද්මිරාල් රොහාන් ජෝෂප්ගේ ආරාධනයෙන් ප්‍රධාන ආරාධිත අමුත්තා ලෙස නාවික හමුදාධිපති, වයිස් අද්මිරාල් කාන්චන බානගොඩ සහභාගි විය.

2025 වර්ෂයේ ජාතික රණවිරු සැමරුම් දිනයට සමඟාමීව, නාවික හමුදාව විසින් සංවිධානය කෙරුණු පරිසර හිතකාමී වැඩසටහන් යටතේ සිදුකෙරුණු වෙරළ පවිත්‍ර කිරීමේ වැඩසටහනක්, 2025 මැයි මස 29 වැනි දින ගාලු මුවදොර වෙරළ තීරය කේන්ද්‍ර කර ගනිමින් සාර්ථකව පැවැත්විණි.

ශ්‍රී ලංකා නාවික හමුදා තූර්ය වාදක කණ්ඩායමේ නාවික පුද්ගලයින් අභිප්‍රේරණය කිරීම, නායකත්ව සංවර්ධනය සහ කණ්ඩායම් ගොඩනැගීම වෙනුවෙන් වූ පුහුණු වැඩමුළුවක්, නාවික හමුදා සංගීත අධ්‍යක්‍ෂකගේ අධීක්‍ෂණය යටතේ, 2025 මැයි මස 27 සහ 28 දෙදින, ශ්‍රී ලංකා නාවික නෞකා ගැමුණු ආයතන පරිශ්‍රයේදී සාර්ථකව පැවැත්විණි.

ශ්‍රී ලංකා නාවික හමුදාවේ වසර 33 කට අධික සේවා කාලය නිම කරමින් රියර් අද්මිරාල් චින්තක කුමාරසිංහ අද (2025 මැයි 30) නාවික හමුදා සේවයෙන් විශ්‍රාම ලැබීම සිදු කෙරිණි.

නාවික හමුදා සමාජීය මෙහෙවර ව්‍යාපෘතිය යටතේ, නාවික හමුදාවේ තාක්‍ෂණික හා ශිල්පීය දායකත්වයෙන් සහ ජනාධිපති ‍ලේකම් කාර්යාලයේ මූල්‍ය දායකත්වයෙන්, අනුරාධපුර දිස්ත්‍රික්කයේ, පලාගල ප්‍රාදේශීය ලේකම් කොට්ඨාසයේ, කරවිලගල ආනන්ද සම්බෝධි විහාරස්ථාන භූමිය තුල ස්ථාපනය කල ප්‍රථිආශ්‍රැති ජල පිරිපහදු මධ්‍යස්ථානය 2025 මැයි මස 27 වැනි දින ජනතා අයිතියට පත් කෙරිණි.

නැගෙනහිර නාවික විධානයේ අභිනව ආඥාපති වශයෙන් පත් කෙරුණු, රියර් අද්මිරාල් රවීන්ද්‍ර තිසේරා 2025 මැයි මස 28 වැනි දින නැගෙනහිර නාවික විධාන මූලස්ථානයේදී, එම නාවික විධානයේ ආඥාපති වශයෙන් වැඩ භාර ගැනීම සිදු කෙරිණි.

ශ්‍රී ලංකා නාවික හමුදාව, ධීවර දෙපාර්තමේන්තුව හා එක්ව ධීවර ප්‍රජාව වෙනුවෙන් මූලික ප්‍රථමාධාර සහ මූලික ජීවිත ආධාරක පුහුණු (Basic Life Support - BLS) වැඩසටහනක්, 2025 මැයි මස 21, 24 වැනි දිනයන්හීදි ත්‍රීකුණාමලය කොඩ්බේ සහ වාලච්චේන ධීවර වරායන් කේන්ද්‍ර කර ගනිමින් සාර්ථකව පැවැත්වීමට කටයුතු කෙරිණි.

ශ්‍රී ලංකා නාවික හමුදාවේ තවත් සමාජ සත්කාර්යයක් ලෙස සංවිධානය කළ ලේ දන්දීමේ වැඩසටහන් දෙකක්, ශ්‍රී ලංකා නාවික නෞකා තම්මැන්නා ආයතනයේදී සහ නැ‍ගෙනහිර නාවික විධාන රෝහල් පරිශ්‍රයේදී, 2025 මැයි මස 22, 23 යන දිනයන්හීදි පැවැත්විණි.

ශ්‍රී ලංකා ත්‍රිවිධ හමුදා වෛද්‍ය විද්‍යාර්ථයින්ගේ සංගමයේ නව (09) වැනි සභාපතිගේ පදවි ප්‍රාප්ති උළෙල, 2025 මැයි මස 20 වැනි දින නාවික හමුදාධිපති වයිස් අද්මිරාල් කාන්චන බානගොඩගේ ප්‍රධානත්වයෙන් සහ ස්නායු විශේෂඥ වෛද්‍ය හර්ෂ ගුණසේකර මහතාගේ ගෞරවණීය සහභාගීත්වයෙන් වැලිසර ‘වේව් ඇන් ලේක්’ නාවික හමුදා උත්සව ශාලාවේදී පැවැත්විණි.