ආබාධිත නාවික හමුදා පුද්ගලයින් දෙදෙනෙකුගේ දරුවන් වෙත නාවික හමුදා සුභසාධක අංශය වෙතින් Laptop පරිගණක යන්ත්‍ර දෙකක් පිරිනමයි
වයිස් අද්මිරාල් එස්එම්බී වීරසේකර (විශ්‍රාමික) විසින් ශ්‍රී ලංකා නාවික හමුදා සුභසාධක අංශය වෙත පරිත්‍යාග කරන ලද Laptop වර්ගයේ පරිගණක දෙකක් (02), ක්‍රියාන්විත රාජකාරීයේදී ආබාධිත වී සිටින නාවික හමුදා පුද්ගලයින් දෙදෙනෙකුගේ දරුවන් වෙත පිරිනැමිම, අද දින (2024 ඔක්තෝබර් 03) අධ්‍යක්‍ෂ ජෙනරාල් සේවා රියර් අද්මිරාල් ප්‍රියල් විතානගේ ගේ ප්‍රධානත්වයෙන් නාවික හමුදා මුලස්ථානයේදී සිදුකෙරිණි.
ඒ අනුව, ක්‍රියාන්විත රාජකාරියේ යේදී සිටියදී ආබාදිත තත්වයට පත් සුළු නිලධාරි ආර්ඩීඩබ් මනෝරංජන් යන ජ්‍යෙෂ්ඨ නාවිකයාගේ සහ බල නැවි ජේඑල්ඩිඑච්කේ පෙරේරා යන කනිෂ්ඨ නාවිකයාගේ දරුවන්ගේ ඉදිරි අධ්‍යාපන කටයුතු වැඩිදියුණු කර ගැනීම වෙනුවෙන් එම දරුවන් වෙත මෙලෙස Laptop පරිගණක පිරිනැමිම සිදුකෙරිණි.
