රියර් අද්මිරාල් බුද්ධික ලියනගමගේ නාවික හමුදා අධ්‍යක්‍ෂ ජෙනරාල් පුහුණු ලෙස වැඩ භාර ගනියි
රියර් අද්මිරාල් බුද්ධික ලියනගමගේ, ශ්‍රී ලංකා නාවික හමුදාවේ අධ්‍යක්‍ෂ ජෙනරාල් පුහුණු වශයෙන් අද දින (2024 ජුනි 03) නාවික හමුදා මූලස්ථානයේ, අධ්‍යක්‍ෂ ජෙනරාල් පුහුණු කාර්යාලයේදී වැඩ භාර ගැනීම සිදු කෙරිණි.
අධ්‍යක්‍ෂ ජෙනරාල් පුහුණු ලෙස වැඩ භාර ගැනීමට පෙර රියර් අද්මිරාල් බුද්ධික ලියනගමගේ, නාවික හා සාගරික විද්‍යාපීඨයේ ආඥාපති වශයෙන් රාජකාරි සිදුකල අතර, වැඩ බලන අධ්‍යක්‍ෂ ජෙනරාල් පුහුණු වශයෙන් කටයුතු කළ කොමදෝරු බුද්ධික ජයවීර විසින් රියර් අද්මිරාල් බුද්ධික ලියනගමගේ වෙත අධ්‍යක්‍ෂ ජෙනරාල් පුහුණු ධූරයේ රාජකාරීන් භාර දීම නාවික හමුදා මූලස්ථානයේදී සිදු කෙරිණි.
