‘BestWeb.lk 2023’ තරඟාවලියෙන් ශ්‍රී ලංකා නාවික හමුදා නිල වෙබ් අඩවිය දිනා ගත් සම්මානය නාවික හමුදාධිපති වෙත පිරිනමයි
‘BestWeb.lk 2023’ තරඟාවලියේ ජයග්‍රාහකයන් වෙත සම්මාන ප්‍රදානය කිරීම 2023 අගොස්තු මස 09 වන දින ශ්‍රී ජයවර්ධනපුර කෝට්ටේ, මොනාච් ඉම්පීරියල් හෝටල් පරිශ්‍රයේදී පැවැත්වුනු අතර, එහිදී රාජ්‍ය අංශයේ හොඳම වෙබ් අඩවි කාණ්ඩය යටතේ ශ්‍රී ලංකා නාවික හමුදාවේ www.navy.lk නිල වෙබ් අඩවියට හිමි වූ රන් සම්මානය සහ සමස්ථ තරඟාවලියේ ලෝකඩ සම්මානය නාවික හමුදාධිපති වයිස් අද්මිරාල් ප්‍රියන්ත පෙරේරා වෙත පිළිගැන්වීම අද දින (2023 අගෝස්තු 10) නාවික හමුදා මූලස්ථානයේදී සිදු කෙරිණි.
ශ්‍රී ලංකා නාවික හමුදාවේ www.navy.lk නිල වෙබ් අඩවියෙහි සංචලන පහසුව, ප්‍රමිතිය, ක්‍රියාකාරීත්වය, නිර්මාණශීලී බව සහ වෙබ් අඩවියේ අන්තර්ගතයේ ප්‍රමාණාත්මක සහ ගුණාත්මකභාවය නිසි ලෙස පවත්වා ගනිමින් නාවික හමුදා වෙබ් අඩවිය මෙලෙස සම්මානයට ලක් කිරීම වෙනුවෙන් දායක වූ අධ්‍යක්‍ෂ නාවික තොරතුරු තාක්ෂණ සහ අධ්‍යක්‍ෂ නාවික මාධ්‍ය ඇතුළු නිලධාරීන් සහ නාවිකයන් විසින් සිදුකල දායකත්වය එහිදී නාවික හමුදාධිපති විසින් ඇගයීමට ලක් කෙරිණි.
