ජාතික රුවල් යාත්‍රා සංගමය මගින් සංවිධානය කරනු ලැබූ ‘ඩන්ලොප් බෙල්’ රුවල් යාත්‍රා තරඟාවලිය (DUNLOP BELL SAILING REGATTA) පසුගිය ජුලි 22 වන දින බොල්ගෙඩ ජලාශයේදී ඉතා සාර්ථක අයුරින් පැවැත්විණි.

එම තරඟාවලිය සඳහා නාවික හමුදා රුවල් යාත්‍රා ක්‍රිඩා සංචිතය, සිලෝන් මෝටර් රුවල් යාත්‍රා සමාජය (CMYC), රෝයල් කළම්ඹෝ රුවල් ඔරු සමාජය (RCYC), කොළඹ රාජකීය විද්‍යාලය (Royal College) ‍සහ ගල්කිස්ස ශාන්ත තෝමස් විද්‍යාලීය (St Thomas College) යන රුවල් යාත්‍රා ක්‍රිඩා සමාජ නියෝජනය කරමින් ක්‍රිඩකයින් 52 ක් රුවල් යාත්‍රා 40 කින් සහභාගී වූහ. එහිදී පවත්වන ලද විවිධ ඉසව්වලින් ප්‍රථම, දෙවන සහ තෙවන ස්ථාන හිමිකර ගනිමින් සියළුම රුවල් ඔරු සමාජ අභිබවා නාවික හමුදාව ජයග්‍රහණ අත්කර ගැනීමට සමත් විය.