ශ්‍රී ලංකාවේ ඕස්ට්‍රේලියානු මහකොමසාරිස්වරිය වශයෙන් කටයුතු කරන රොබින් මූඩී මහත්මිය අද දින (ජූලි 24) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය. එම අවස්ථාවට ඕස්ට්‍රේලියානු මහකොමසාරිස් කාර්යාලයේ ආරක්ෂක උපදේශක වශයෙන් කටයුතු කරන කපිතාන් ජේසන් සියර්ස් මහතා ද එක් විය.

එහිදී මහකොමසාරිස්වරිය ද්විපාර්ශ්විකව වැදගත් වන කරුණු සම්බන්ධයෙන් නාවික හමුදාධිපතිතුමන් හා සුහද කථාබහක නිරත විය. නව පත්වීම් ලද නාවික හමුදාපතිවරයා හට සුභ පැතුම් එක්කළ මූඩි මහත්මිය නාවික හමුදාවේ ඉදිරි කටයුතු සඳහා ඇයගේ උපරිම සහයෝගය ලබාදෙන බවද, මුහුදු සීමාව හරහා සිදුවන නීතිවිරෝධී සංක්‍රමණ වැළැක්වීමට නාවික හමුදාවෙන් ගෙන ඇති ක්‍රියාමාර්ග පිළිබඳව සිය ස්තූතිය පුද කරන බවද වැඩිදුරටත් සඳහන් කළාය.

මෙම නිල හමුව සනිටුහන් කරමින් මහකොමසාරිස්වරිය හා නාවික හමුදාධිපතිතුමන් අතර සමරු තිළිණ හුවමාරුවක් ද සිදුවිය.