‘දිට්වා’ සුළි කුණාටුවෙන් ආපදාවට පත්ව, දොළුව ප්‍රාදේශීය ලේකම් කොට්ඨාසයේ මුල්ගම ලෙවලන් වත්ත, කලෛවානි විදුහ‍ලේ රැඳී සිටින ජනතාව වෙනුවෙන්, ‍ශ්‍රී ජයවර්ධනපුර කෝට්ටේ ප්‍රදේශීය ලේකම් කාර්යාලයේ සම්බන්ධීකරණයෙන් සංවිධානය කෙරුණු මානුෂීය ආධාර වැඩසටහනට සමඟාමීව පැවති සෞඛ්‍ය කඳවුරක් සඳහා, නාවික හමුදා වෛද්‍ය සහය ලබා දීම‍ට 2025 දෙසම්බර් 20 දින නාවික හමුදාව විසින් කටයුතු කෙරිණි.

ශ්‍රී ලංකා නාවික හමුදාවේ වැටුප් හා විශ්‍රාම වැටුප් දෙපාර්තමේන්තුවේ රාජකාරි කටයුතු සඳහා දිගු කාලයක සිට පැවති අවශ්‍යතාවයක් සපුරාලමින්, අභිනවයෙන් ඉදිකළ නාවික හමුදා වැටුප් හා විශ්‍රාම වැටුප් කාර්යාල සංකීර්ණය 2025 දෙසැම්බර් මස 17 වැනි දින නාවික හමුදාධිපති වයිස් අද්මිරාල් කාන්චන බානගොඩ ගේ ප්‍රධානත්වයෙන් වැලිසර නාවික සංකීර්ණයේදී විවෘත කෙරිණි.

අධික වර්ශාපතනය හේතුවෙන් මහවැළි ගඟේ ජල මට්ටම ඉහල යෑමෙන්, ජලයේ ගසාගෙන පැමිණි විශාල දැව කඳන් සහ උනපඳුරු ඇතුළු අවශේෂ, පේරාදෙණිය ගැටඹේ දියකපනාතොට සහ ලේවැල්ල පාලම් තුල සිරවී, එම පාලම් ඔස්සේ ජලය ක්‍රමවත්ව බැස යාමට ඇතිවු අවහිරතා ඉවත් කිරීම වෙනුවෙන් නාවික හමුදා කිමිදුම් සහය හා ශිල්පීය දායකත්වය ලබාදීම 2025 දෙසැම්බර් මස 19 දින සිදුකෙරිණි.

ශ්‍රී ලංකා නාවික හමුදාවේ 264 වැනි ආධුනික බඳවා ගැනීම යටතේ බඳවාගත් ආධුනික නාවිකයින් දෙසීය අසූහය දෙනෙකු (286) පුහුණුව සඳහා අනුයුක්ත කිරීම, 2025 දෙසැම්බර් 17 සහ 18 යන දෙදින සිදුකෙරුණු අතර, නාවික හමුදාධිපති, වයිස් අද්මිරාල් කාන්චන බානගොඩ විසින් නාවික හමුදාව ආධුනිකයන්ගෙන් අපේක්‍ෂිත අරමුණ පිළිබඳව ආධුනික නාවිකයන් දැනුවත් කිරීම, නාවික අනුඛණ්ඩ කොළඹ පිහිටි අද්මිරාල් සෝමතිලක දිසානායක ශ්‍රවණාගාරයේදී සිදුකෙරිණි.

ශ්‍රී ලංකා ස්වේච්ඡා නාවික හමුදාවේ අභිනව ආඥාපති වශයෙන් පත් කෙරුණු, රියර් අද්මිරාල් සුජීව වීරසූරිය, අද (2025 දෙසැම්බර් 18) වැලිසර, ස්වේච්ඡා නාවික හමුදා මූලස්ථානයේදී, ශ්‍රී ලංකා ස්වේච්ඡා නාවික හමුදාවේ ආඥාපති වශයෙන් වැඩ භාර ගැනීම සිදුකෙරිණි.

ශ්‍රී ලංකා නාවික හමුදාවේ වසර 35 කට අධික සේවා කාලයක් නිම කරමින් රියර් අද්මිරාල් ජානක ගුණසීල අද (2025 දෙසැම්බර් 18) නාවික හමුදා සේවයෙන් විශ්‍රාම ලැබීම සිදු කෙරිණි.

වැලිසර “Anchorage” නාවික සුවසහන මධ්‍යස්ථානයේ නේවාසිකව ප්‍රතිකාර ලබන, රණක්‍ෂිතයට පත් නාවික හමුදා රණවිරුවන්ගේ සුභසාධනය වෙනුවෙන් අත්‍යවශ්‍යව පැවති ජල චිකිත්සක පහසුකම් අවශ්‍යතාවය සපුරාලමින් ඉදිකළ ජල චිකිත්සක තඨාකය විවෘත කිරීම, 2025 දෙසැම්බර් 17 නාවික හමුදාධිපති වයිස් අද්මිරාල් කාන්චන බානගොඩගේ ප්‍රධානත්වයෙන් සහ හිටපු නාවික හමුදාධිපතිවරුන් වන අද්මිරාල් රවීන්ද්‍ර විජේගුණරත්න (විශ්‍රාමික) හා අද්මිරාල් ප්‍රියන්ත පෙරේරා (විශ්‍රාමික) ගේ සහභාගීත්වයෙන් සිදුකෙරිණි.

"දිට්වා" සුළි කුණාටුවේ බලපෑමෙන් ඇතිවූ අයහපත් කාලගුණික තත්වය හමුවේ මහවැළි ගඟේ ජල මට්ටම ඉහල යෑමෙන්, ජලයේ ගසාගෙන පැමිණි විශාල දැව කඳන් සහ උනපඳුරු ඇතුළු අවශේෂ, පේරාදෙණිය කලුපාලම දුම්රිය පාලම සහ නිල්ලඹ කළුගමුව පාලම් තුල සිරවී, එම පාලම් ඔස්සේ ජලය ක්‍රමවත්ව බැස යාම අවහිර වූ අතර, එම පාලම් යතාවත් කිරීම වෙනුවෙන් නාවික හමුදා කිමිදුම් සහය හා ශිල්පීය දායකත්වය ලබාදීම වෙනුවෙන් ආරම්භ කළ විශේෂ මෙහෙයුම් 2025 දෙසැම්බර් මස 14 දින සහ 17 දින සාර්ථකව අවසන් විය.

සපුගස්කන්ද, ආරක්ෂක සේවා අණ හා මාණ්ඩලික විද්‍යාලයේ මාණ්ඩලික පාඨමාලාව සම්පූර්ණ කල දහනව වැනි (19) පාඨමාලාවට අයත් නිලධාරීන් වෙත සහතික හා කුසලාන ප්‍රදානය කිරීම, ශ්‍රී ලංකා ප්‍රජාතාන්ත්‍රික සමාජවාදී ජනරජයේ ගරු අග්‍රාමාත්‍ය ආචාර්ය හරිණි අමරසූරිය මෙණවිය‍ගේ ප්‍රධානත්වයෙන් කොළඹ, නෙළුම් පොකුණ රඟහලේදී, 2025 දෙසැම්බර් මස 16 වැනි දින පැවැත්වුණු අතර, එම අවස්ථාව සඳහා නාවික හමුදාධිපති වයිස් අද්මිරාල් කාංචන බානගොඩ සහභාගී විය.

ශ්‍රී ලංකා නාවික හමුදාවේ නෞකා සහ යාත්‍රාවන්ට අනුයුක්ත නිලධාරීන්ගේ සහ නාවිකයන්ගේ වෘත්තීය දැනුම වර්ධනය කිරීම සඳහා නාවික දියත් විධානය විසින් සංවිධානය කරන ලද අන්තර් නෞකා සහ යාත්‍රා මුහුදු මාර්ග නීති (ROR), දෘශ්‍ය මාධ්‍ය සංඥා (Semaphore & Flashing) සහ ප්‍රායෝගික ගැට ගැසිමේ (Rigging) තරඟාවලිය, නාවික හමුදාධිපති වයිස් අද්මිරාල් කාන්චන බානගොඩ ගේ ප්‍රධානත්වයෙන් 2025 දෙසැම්බර් මස 14 වන දින නාවික හා සාගරික විද්‍යාපීඨයේ අද්මිරාල් වසන්ත කරන්නාගොඩ ශ්‍රවණාගාරයේදී පැවැත්විණි.